قصتي مع الجامعة .

السلاام علييكم ورحمة الله وبركااته…

بنااات بخبركم بساالفتي وأبغييكم تشوورووا عليه شو أسوي…

أنا خريجة ثانوية 2024 و درست فجامعة الإمارات ثلاث سنواات ورسبت فلفل 2 ثلاث مرات وآخر شي قالولي عشان تعدين الإنجلش لازم اتييبيين 5 فالأيلس.. المهم وقفوني وعطوني مهلة سنة وأمتحنت 3 مراات بس كله أييب 4.5 مااقدرت تعبت نفسيا من تكرار الرسووب.. ويمكن قبل كنت مهملة فالدرااسة شوي بس والله أحييين متندمة من الخاااطر إني ضيعت فرصة ذهبية الكل يتمناادهاا…

عرست وقلت يمكن ما فكر بالشهادة ولا شي وبنسى .. بس والله إن رغبتي زااادت أكثر وأبغي أدرس فالجامعة أو كلية المهم تكوون عندي شهادة أكبر عن الثانوية بتنفعني عقب فالمستقبل.. وضروفي ما تسمح إني أدرس فجامعة خاصة..

فكرت إني أعيد الثانوية قلت يمكن عل وعسى إن تكوون لي فرصة فدخول الجامعة مرة ثانية بنسبة يديدة بس تفاجأت إنه ماشي إعادة إلا للي راسبة أو مب دارسة بالمرة.. بس شي منازل وأنا ما أبا منازل لأن أعرف عمري إذا ما درست فجو دراسة وفهمت عدل من المدرسة ما بفلح فنسييت موضووع الدراسة..

أنا ما سحبت أوراقي من الجامعة ف برووح بااجر أسحبهن إن شاء الله ..
أنا مخلصة رياضيات وفكر وعربي وآي تي..

بغييت أسألكن: أقدر أكلم أي حد فالجاامعة يمكن تكوون لي فرصة إني أرجع الجامعة ..؟؟
أو أقدر أقدم أوراقي فالتقنية بعد ما أسحبها من الجامعة عسب أكمل..؟؟
أو شو تنصحووني أسوي……؟؟
درست فتوطين وطبعا خذت شهادة أي سي دي أل و كستومر سيرفس وإنجلش مستوى متقدم.. وخذت شهادة سكرتاريا.. وطبعا قدمت فكل مكاان بس تعرفووون محد يرد علينا ومحد يتوظف فهالزمن…

أنا فخاااطري أدرس فالجامعة بس أحس واااايد صعبة…..

شو اسوي….؟؟