قايمة الاكلات اليوميه

اهم شي تعرفي اسوي (المشروبات) القهوة – الشاي – الحليب
(والوجبات الرئيسية) مثل العيش وانواعه طبعا سهل – مرقة دجاج- لحم- سمج واشتريه مقطع ومنظف اسهل
(الخفايف) مثل البيض المقلي والمطبوخ – سندويشات دجاج همبورغر وجبن
(سلطات ) اتفنني فيها اي شي حطي
هاطبعا في البداية وبعدين في المستقبل راح ازيد خبرتج وراح تبدعي لحالج

ان شاء الله البنات يساعدونج..وتدربي من الحين عشان ما تفتشلين جدام زوجك

هلا اختي انا شراتج ماعرف اطبخ وايد

بس العيش الابيض سهل ومعاه دياي بالفرن او سمج مشواي بالفرن او انواع الصوالين او دياي مقلي مع البطاط

او انواع المعكرونات وهذي مافي اسهل منها مثلا البشاميل واللزانيا والمعكرونه العاديه بالصلصه او الباستا

والمعجنات بعد سهله ماعليج الا تسوين العجينه واحشيها باي شي تحبينه او يحبه ريلج

والمحاشي يمكن تكون صعبه عليج بس مع الوقت بتتعلمين

والحلويات اشكال وانواع بس خلج اول في الاطباق الرئيسيه

وللريوق بيض او فول او جبن ااو مرتديلا او عسل يعني الريوق مايباله وايد

بالتوفيج حبيبتي