قاعدة في البيت وملانة وخاطرج تدرسين وانتي فالبيت ؟؟

السلام عليكم ورحمة الله وبركاته

شخباركم اخواتي العزيزات ..

او شي اسمحولي ما عرفت وين انزل الموضوع .. ان شاء الله يكون هذا هو المكان المناسب

المهم

في وايد بنات قاعدات في البيت لا يشتغلون ولا يدرسون وعندهم رغبة انهم يسوون شي بس مب عارفين كيف يبدون

انا نزلت هالموضوع عشان افيدكم ..

منو منكم عندها رغبة انها تدرس علوم شرعية .. يعني دراسات اسلامية وما تقدر تدش الكلية ..

مو مشكلة بنييب لكم الكلية لين البيت .. يعني تدرسين في بيتج وتقدمين الامتحانات في بيتج

الاكاديمية الاسلامية المفتوحة .. هو الحل الانسب يا بنات ..

منه تقضين وقت فراغج ومنه تستفيدين من العلوم الشرعية في دينج ودنياج

اكيد عندكم اسئلة عن هالاكاديمية .. هذا الرابط فيه كل الاسئلة اللي ممكن تيي على بالج واجوبه لها

http://www.islamacademy.net/arabic/staticpage.asp?id=43

الاكاديمية وايد مفيدة .. انا سجلت العام .. وكنت ماخذة مادتين بس ما قدرت اكمل لان كنت اداوم .. فما قدرت اركز عالدراسة ..

فاجلت المواد ..

وهالسنة لين الحين ما بدى التسجيل .. ان شاء الله اول ما يبدون باخذ مواد

واي وحدة عندها سؤال بخصوص الاكاديمية لا تترددون تسالوني ..

وان شاء الله الموضوع يفيدكم ..

دعواتكم لي بالتوفيق ..