بسمـ اللهـ الرحمنـ الرحيمـ
السلام عليكم ورحمة الله وبركاته
هذا رابط الجزأ الاول
http://forum.uaewomen.net/showthread.php?t=646262
انا يالسه احسب يوم ورا يوم خاطري تمر الايام بسرعه علشان اروح الموعد يالله هالاسبوعين عن سنيتن بس كنت واايد اوسوس خايفه يكون حمل خارج الرحم وبعد كنت متفائله بيكون داخل الرحم كنت دايما ادعي ربي ليل ونهار ودايما اقرا سورة البقره وسورة يس وملتزمة بالاستغفار والاذكار وكل شي الحمدلله وكنت احس باعراض الحمل مثل اللوعه واشتهي باكلات معينه يعني الحمدلله كنت حاسه ان الحمل مستمر عندي
وعدن هالاسبوعين على خير تاريخ 1-2- تميت افكر واايد ومستانسه لان خلاص بكره بسير اشوف البيبي وحتى بليل ما ياني نوم من كثر ما فرحانه ابا الوقت سرعه يطوف علشان ايي بكره واسير الموعد ويه اليوم الي انا انتظره من اسبوعين الي هو 2-2- قمنا الصبح انا ريلي ورحنا مركز دبي للاخصاب انا طبعا من العين وصلنا الحمدلله المركز وكان واايد زحمه وانا يلست اتريا واااايد وفي هالوقت تميت استغفر وادعي ربي واااايد وعقب ذكروني ودخلت وسوتلي السونا ر وعلى طول شافت كيس الحمل في الرحم الحمدلله استانست واااااايد وقالتلي شوفي كيس الحمل وشوفي البيبي والله فرحه الصراحه ما توصف من الفرحه ماعرفت شو اسوي وقالتلي سمعي نبضات البيبي وسمعتهم يالله شو الاحساس احساس غريب احلى شي في حياتي كان هالشي واحلى لحظه فحياتي هذي كانت احلى لحظه عندي واناهذا اول مره اشوف كيس الحمل والجنين والله اني حمدت ربي كثييييييييييير والله كنت اقول من الفرحه الحين انا في رحمي في بيبي ما مصدقه من الفرحه عمري ما راح انسى هاللحظه الحلوه الي مريتها وعقب يوم طلعت خبرت ريلي جي ريلي استانس وااايد وفرح اخيرا بيينا ياهل صغيروني بيرقد ما بينا والله حتى ريلي ملامح ويهه تغيرت من الفرحه ودخلنا على الدكتور قالي الدكتور الحمدلله كل شي زين وطبيعي بس استمري على الادويه وقالي استمري على الابر لاني من عرفت انا حامل على طول استخدمت الابر وقالي تعالي بعد اسبوعين قلت اوكيه
وتمينا في السياره انا وريلي نسولف عن البيبي فرحانين حتى ريلي قالي من نوصل العين بعزمج على غدا اسبيشل قلتله اوكي مب مشكله وعقب قالي بدق على امي وبخبرها من كثر ماهو فرحان يبا يبشر كل الناس بييه ياهل بيستوي اب والمهم دق على امه وخبرها واستانست واااايد امه وعقب يوم سكر عنها انا حسيتي تييني الام بسيييييطه
وحسيت افرازات نزلت مني وقلت حق ريلي وقف الشيشه بروح الحمام ورحت الحمام الا ما لقيت افرازات لقيت دم نزل مني انصدمت ارتاع قلبي خففففت وااايد ماعرفت شو اسوي وشو هذا الي صارلي والحمدلله كان في شنطتي اولويز واستخدمتهن وعقب دقينا على الدكتور وسالني الدكتور انتي وين الحين قلتله انا في الخط ما بين دبي والعين قالي روحي على اقرب صيدليه وخذي حبتين دوفاستون وعقبها بساعتين خذي بعد حبتين وعلى طول روحي توام علشان يطمنون على حالتج يالله يالله وصلنا العين وانا احس انزف كل ماله يزيد النزيف وكل ما يزيد النزيف قلبي يعورني اخاف البيبي يطيح وتروح احلامي وامالي و احس الطريق كله خرابه وشوارع مكسره وحالتها حاله واخير وصلنا الصيدليه وخذتلي حبيتين دوفاستون وعلى طول رحت مستشفى توام وعلى طول دخلوني على الطوارئ وقالو بنسويلج سونار قلتلهم ابا اسير الحمام ودخلت الحمام ابا ابدل الاولويز الاالاقي الجنين وكيس الحمل في الاولويز قلبي عورني وااايد وتميييت اصيييييييييييح صياح قلت يمكن مب هذا الجنين انا غلطانه خليني اسوي سونار يمكن موجود الجنين مستحيل طاح تخبلت الصراحه وعقب سويت سونار ويه الدكتوره ما يبشر بالخير اسالها شو البيبي موجود ولا لأ ساكته ما تقول شي يوم خلصت وكل شي قالت ما في بيبي عاد قلبي طاح ما قدرت استحمل كيف الكلمه جرحت قلبي ومشاعري طلعت وقلت حق ريلي كل هذا في ساعه وحده راح تعبي على الفاضي وفي هالساعه راح البيبي بسرعه عني توني شايفته وهو ينبض كيف راح عني بهالسرعه يعني في ساعه وحده راح تعبي الي من سنين اعانيه واترياه وهذا اخر اجنه مجمده لي يعني اخر شي من تعبي الي تعبته وعانيت منه آآآآآآه قلبي عورني والله انا اكتب وعيوني تدمع مب قادره استحمل هالشي صعب علي وااايد المهم عقب قالو لازم تنويم علشان ينظفون الرحم وعطوني حبوب قالو لو مافاد الحبوب لازم يغسلون الرحم تنظيف يعني وتميت طول الوقت وانا بس افكر حتى ما رقدت من الهم الي فيني يلست اقول في خاطري انا امس ما ياني ارقاد من الفرحه والوناسه الي فيني واليوم ما ياني ارقاد من الحزن ومن الجرح الي فيني يالله يا ربي ليش تعذبني هالعذاااااااب وبالبكره دقيت على الدكتور وقلتله بالموضوع وحسيت واايد حزن علي الدكتور عاد من سمعت الدكتور جي يقولي تميت اصييييح قالي يوم تطهرين تعالي انتي وزوجج قلتله متى اقدر اسوي العمليه مره ثانيه مب قادره استحمل ابا احمل بسرعه قالي انتي اطهري اول شي وعقب يستوي خير وتوكلي على الله وهذا اختبار من ربنا وبعدين سكرت عنه تميت افكر نفسيتي زفت بزفت وبعدها سوولي سونار اخر مره قالو ما يحتاي تنظيف الرحم نظيف كل البقايا نزلت وعاد رخصوني وطلعت الحمدلله ورديت البيت وعاد من دخلت غرفتي ما قدرت استحمل قلت انا مودعه وطالعه من الغرفه كنت حامل ورجعتلها انا مب حامل زعللللت وااايد وتميت اصييييييييييييييييييح كل اللي في خاطري وبليل نفس الحاله ما رقدت تمييت اصيح وافكر وين الجنين راح والله انا واايد مضايجه وحزييينه ودموعي تراسه عيني واحس حياتي كلها عذااااب في عذااااااب مادري ليش ربي كاتبلي هالشي اللهم لا اعتراض مع اني انا ما ضريت احد ولا اذيت حد بالعكس انا احب الخير للناس مثل ما احب الشي لي والله حرااااااااااااااااام خلاص انا تعبت والله اني تعبت من كثر ما ارااكض ورا العلاجات والادويه والابروالعمليات هلكت ما بقى فيني حيل ما اصدق احمل وافرح والفرحه ما تكمل ليش اييني انا هالشي لييييش انا تحطمت خلااااااص كل احلامي تحطمت و الحمدلله على كل حال ان شاءالله ربي يعوضني قريب…
ادعوووولي ربي يعوضني بتوأم معافيين سليمين
بسمـ اللهـ الرحمنـ الرحيمـ
السلام عليكم ورحمة الله وبركاته
هذا رابط الجزأ الاول
http://forum.uaewomen.net/showthread.php?t=646262
انا يالسه احسب يوم ورا يوم خاطري تمر الايام بسرعه علشان اروح الموعد يالله هالاسبوعين عن سنيتن بس كنت واايد اوسوس خايفه يكون حمل خارج الرحم وبعد كنت متفائله بيكون داخل الرحم كنت دايما ادعي ربي ليل ونهار ودايما اقرا سورة البقره وسورة يس وملتزمة بالاستغفار والاذكار وكل شي الحمدلله وكنت احس باعراض الحمل مثل اللوعه واشتهي باكلات معينه يعني الحمدلله كنت حاسه ان الحمل مستمر عندي
وعدن هالاسبوعين على خير تاريخ 1-2- تميت افكر واايد ومستانسه لان خلاص بكره بسير اشوف البيبي وحتى بليل ما ياني نوم من كثر ما فرحانه ابا الوقت سرعه يطوف علشان ايي بكره واسير الموعد ويه اليوم الي انا انتظره من اسبوعين الي هو 2-2- قمنا الصبح انا ريلي ورحنا مركز دبي للاخصاب انا طبعا من العين وصلنا الحمدلله المركز وكان واايد زحمه وانا يلست اتريا واااايد وفي هالوقت تميت استغفر وادعي ربي واااايد وعقب ذكروني ودخلت وسوتلي السونا ر وعلى طول شافت كيس الحمل في الرحم الحمدلله استانست واااااايد وقالتلي شوفي كيس الحمل وشوفي البيبي والله فرحه الصراحه ما توصف من الفرحه ماعرفت شو اسوي وقالتلي سمعي نبضات البيبي وسمعتهم يالله شو الاحساس احساس غريب احلى شي في حياتي كان هالشي واحلى لحظه فحياتي هذي كانت احلى لحظه عندي واناهذا اول مره اشوف كيس الحمل والجنين والله اني حمدت ربي كثييييييييييير والله كنت اقول من الفرحه الحين انا في رحمي في بيبي ما مصدقه من الفرحه عمري ما راح انسى هاللحظه الحلوه الي مريتها وعقب يوم طلعت خبرت ريلي جي ريلي استانس وااايد وفرح اخيرا بيينا ياهل صغيروني بيرقد ما بينا والله حتى ريلي ملامح ويهه تغيرت من الفرحه ودخلنا على الدكتور قالي الدكتور الحمدلله كل شي زين وطبيعي بس استمري على الادويه وقالي استمري على الابر لاني من عرفت انا حامل على طول استخدمت الابر وقالي تعالي بعد اسبوعين قلت اوكيه
وتمينا في السياره انا وريلي نسولف عن البيبي فرحانين حتى ريلي قالي من نوصل العين بعزمج على غدا اسبيشل قلتله اوكي مب مشكله وعقب قالي بدق على امي وبخبرها من كثر ماهو فرحان يبا يبشر كل الناس بييه ياهل بيستوي اب والمهم دق على امه وخبرها واستانست واااايد امه وعقب يوم سكر عنها انا حسيتي تييني الام بسيييييطه
وحسيت افرازات نزلت مني وقلت حق ريلي وقف الشيشه بروح الحمام ورحت الحمام الا ما لقيت افرازات لقيت دم نزل مني انصدمت ارتاع قلبي خففففت وااايد ماعرفت شو اسوي وشو هذا الي صارلي والحمدلله كان في شنطتي اولويز واستخدمتهن وعقب دقينا على الدكتور وسالني الدكتور انتي وين الحين قلتله انا في الخط ما بين دبي والعين قالي روحي على اقرب صيدليه وخذي حبتين دوفاستون وعقبها بساعتين خذي بعد حبتين وعلى طول روحي توام علشان يطمنون على حالتج يالله يالله وصلنا العين وانا احس انزف كل ماله يزيد النزيف وكل ما يزيد النزيف قلبي يعورني اخاف البيبي يطيح وتروح احلامي وامالي و احس الطريق كله خرابه وشوارع مكسره وحالتها حاله واخير وصلنا الصيدليه وخذتلي حبيتين دوفاستون وعلى طول رحت مستشفى توام وعلى طول دخلوني على الطوارئ وقالو بنسويلج سونار قلتلهم ابا اسير الحمام ودخلت الحمام ابا ابدل الاولويز الاالاقي الجنين وكيس الحمل في الاولويز قلبي عورني وااايد وتميييت اصيييييييييييح صياح قلت يمكن مب هذا الجنين انا غلطانه خليني اسوي سونار يمكن موجود الجنين مستحيل طاح تخبلت الصراحه وعقب سويت سونار ويه الدكتوره ما يبشر بالخير اسالها شو البيبي موجود ولا لأ ساكته ما تقول شي يوم خلصت وكل شي قالت ما في بيبي عاد قلبي طاح ما قدرت استحمل كيف الكلمه جرحت قلبي ومشاعري طلعت وقلت حق ريلي كل هذا في ساعه وحده راح تعبي على الفاضي وفي هالساعه راح البيبي بسرعه عني توني شايفته وهو ينبض كيف راح عني بهالسرعه يعني في ساعه وحده راح تعبي الي من سنين اعانيه واترياه وهذا اخر اجنه مجمده لي يعني اخر شي من تعبي الي تعبته وعانيت منه آآآآآآه قلبي عورني والله انا اكتب وعيوني تدمع مب قادره استحمل هالشي صعب علي وااايد المهم عقب قالو لازم تنويم علشان ينظفون الرحم وعطوني حبوب قالو لو مافاد الحبوب لازم يغسلون الرحم تنظيف يعني وتميت طول الوقت وانا بس افكر حتى ما رقدت من الهم الي فيني يلست اقول في خاطري انا امس ما ياني ارقاد من الفرحه والوناسه الي فيني واليوم ما ياني ارقاد من الحزن ومن الجرح الي فيني يالله يا ربي ليش تعذبني هالعذاااااااب وبالبكره دقيت على الدكتور وقلتله بالموضوع وحسيت واايد حزن علي الدكتور عاد من سمعت الدكتور جي يقولي تميت اصييييح قالي يوم تطهرين تعالي انتي وزوجج قلتله متى اقدر اسوي العمليه مره ثانيه مب قادره استحمل ابا احمل بسرعه قالي انتي اطهري اول شي وعقب يستوي خير وتوكلي على الله وهذا اختبار من ربنا وبعدين سكرت عنه تميت افكر نفسيتي زفت بزفت وبعدها سوولي سونار اخر مره قالو ما يحتاي تنظيف الرحم نظيف كل البقايا نزلت وعاد رخصوني وطلعت الحمدلله ورديت البيت وعاد من دخلت غرفتي ما قدرت استحمل قلت انا مودعه وطالعه من الغرفه كنت حامل ورجعتلها انا مب حامل زعللللت وااايد وتميت اصييييييييييييييييييح كل اللي في خاطري وبليل نفس الحاله ما رقدت تمييت اصيح وافكر وين الجنين راح والله انا واايد مضايجه وحزييينه ودموعي تراسه عيني واحس حياتي كلها عذااااب في عذااااااب مادري ليش ربي كاتبلي هالشي اللهم لا اعتراض مع اني انا ما ضريت احد ولا اذيت حد بالعكس انا احب الخير للناس مثل ما احب الشي لي والله حرااااااااااااااااام خلاص انا تعبت والله اني تعبت من كثر ما ارااكض ورا العلاجات والادويه والابروالعمليات هلكت ما بقى فيني حيل ما اصدق احمل وافرح والفرحه ما تكمل ليش اييني انا هالشي لييييش انا تحطمت خلااااااص كل احلامي تحطمت و الحمدلله على كل حال ان شاءالله ربي يعوضني قريب…
ادعوووولي ربي يعوضني بتوأم معافيين سليمين
