فطاير وبيتزا من مطبخي // بالصور

سويت فطاير وبيتزا من نفس العجينه وانا ماخذتنها من المنتدى

نحط صور من الفطاير

والبيتزا

المقادير

طحين ابيض انا افضل رقم ( 1 ) ( ثلاث اكواب )

( 3) ملاعق طعام حليب بودره

ملعقة طعام سكر

ملعقة طعام خميره فوريه

رشة ملح

ربع كوب زيت

كوب وربع ماء

على فكره هالعجينه ممكن تستخدمينها على طول او تتركينها لمدة نص ساعه على الاقل

وافضل لانها تكون خامره شوي انا ولا مره استخدميتها على طول اتركها تخمر شوي

/////////

ملاحظه انا مره نسيت احط السكر وطلعت الفطاير وايد لينه ولذيذه ولكن بعد بالسكر

حلوه للبيتزا تطلع مقرمشه

///

نشووووووووف صور

///

خلطة الفطاير

طبعا على كيف كيفج الخلطات سواء الاجبان او الدياي او اللحم لكل شي هالعجينه
حتى اسوي الكرواسون منها

لكن خلطة الفطاير الموجوده في هالصوره

عباره عن خليط مبشور من جبن الحلوم وجبن الشيدر ( القواطي الزرق ) وبقدونس مقطع

مع شوية زيت زيتون واحشي العجينه واللف اي شكل ممكن مدور او اسطواني وعقب

امسح السطح بالبيض وانثر حبة السودا او سمسم // حرارة الفرن الكهربائي 200

وراقبيه بسرعه يستوي يمكن اقل عن عشر ربع ساعه

//

اما البيتزا

سويتها باللحم اولا العجينه اذا بغيتها مقرمشه فرديتها بشكل رفيع واول احطها في الفرن

لين تستوي شوي لونها عسلي // اكون مجهزه الخلطه عباره عن لحم مع فلفل بارد مقطع

صغار وبصل وشوية ثوم وفطر طازج ارش عليهم شوية ملح مع بهار التندوري واحمسهم

بسرعه ( اللحم مفور قبل ) // واكون مجهزه خلطه عباره عن طماط طازج اقطعه صغار

واحطه في شوية زيت واصب عليه كتشب واحط قطعة ماجي ويوم يسيح الطماط ابند الضو

واخليه شوي يبرد اضيف عليه زعتر البيتزا ( في الجمعيه ) واضيف شوية مايونيز

عقب اييب العجينه اللي ظهريتها من الفرن واحط عليها خلطة الطماط وارش جبن الموزريلا

عقب احط خلطة اللحم ( اوي اي خلطة ثانيه تحبونها ) واحط زيتون اسود مقطع على اللحم وارش عليها جبنة الموزريلا وشوية

من زعتر البيتزا // وفي الفرن على درجه هاديه عشان ما نحرق البيتز يمكن لمدة 20 او 15
دقيقه للعلم فرني كهربائي اشغله فوق وتحت نفس الوقت // وهني وعافيه

///////////

باجي الصور

///

وشكرا مقدما لكل من ترد على موضوعي