فترة الملجة وعقب العرس !

غناتي بالعكس الحياه بعد الزواج احلى ، صحيح فترة الملجه حلوة
وبقولج ليش البنات يقولن ليتها ترد
لنه فهالفتره الريال والحرمه يكونون اشخاص جدد على بعض
وفي مرحلة تعارف ، ولازم يكون فيه حدود ومجاملات ..
والشخص يوم يكون بعيد عنك غير يوم يكون قريب منك ..
يعني البعيد بتظهرله مشاعرك اكثر عن القريب ..

بضرب لج مثال …

انتي هل تشوفين معاملتج لربيعتج اذا زارتج فالبيت .. مثل اختج الي ساكنه وياج .
طبعا لا ..

لنه ربيعتج انتي مو متعوده عليها .. و بتمين تضيفينها وتسولفين وياها وتجاملينها

.
.
ماريد ابعد عن الموضوع ..

بس العشرة غير ..
العلاقه بين الاثنين .. تزيد بعد الزواج ..
ويمكن 90 % من الزوجات بتقولج انها صارت تحب زوجها بعد العرس اكثر
بس هي تحن لأيام الملجه .. لنها كانت مدللـه .. وزوجها يحاول يرضيها بأي طريقة ..

.
.

والحياه بعد الزواج لاتخلو من الدلال والحب ، كل هذا يدوم ان شاء الله
بس كل زوجة وشطارتها *_^

.
.
ان شاء الله ربي بيرزقج بولد الحلال وبتحكمين بنفسج

لان ايام الملجة الوحده ما تشوف ريلها 24 ساعه واغلب شي ترمس في التيلفون

ويمكن تشوفه مره في الاسبوع
ويكونون ولهانيين على بعض

ولا تنسين انه شي يديد لكل الطرفين

وطبعا في ها المره الوحده تطلع على سنقة 10 مثل ما يقولون

بس عقب العرس الوحده مجابله ريلها 24 ساعه وماشي سوالف نفس قبل

يعني تغيرات الحياة لا بد منها

حبيبتي ،
أيام الملجة تكون في حدود ، في مواااانع وتحفظات ،
وهالشي يخلي الطرفين يرغبون ببعض ، لأن كل ممنوع مرغوب
وبالعكس ، بعد الزواج بعــــــــــــــــد تكون الأيام حلوة ،
بس هالشي بيد الطرفين