عندي مشكلة مع الرضاعة الطبيعية و الوزن ضرووري الله يرضى عليكم

اولا حمد الله علي سلامتج
لا توقفين رضاعه لان اصلا الرضاعه هي اللي بتنزل الوزن بالعكس زيدي من الرضاعه الطبيعيه ووقفي الصناعي الجسم يحرق بسرعه وكل الحريم يضعفون من الرضاعه الطبيعيه
وسالفة الوزن يبالها صبر انتي توج مربيه يبالج فترة جسمج يرد لطبيعة وانتي عليج بالاكل الصحي وامنعي الغازات نهائيا والاكلات الخفيفه وبعد سوي رياضه في البيت لو عندج جهاز مشي استخدميه كل يوم احسن وقت الصبح خلي ولدج راقد وسوي رياضه نص ساعه وصدقيني كل الوزن بيختفي بس لازم اتحاسبين علي اكلج
وربي يوفقج

أختي لا توقفي الرضاعة الطبيعية , ما أتكلم كإستشارية رضاعة طبيعية الحين ولكن أتكلم من تجربة حرمة أخوي , حرمة أخوي زاد وزنها قبل الحمل وأثناء الحمل حتى وصلت الزيادة عشرين كيلو . والحمدلله بعد الولادة ألتزمت بالرضاعة الطبيعية فقط , والحين ولدها ماشاء الله قرب يكون عمره الخمس شهور , ووزنها نقص 25 كيلو! يعني نقص خمسة كيلو زيادة على الوزن المكتسب . الحمدلله كل اللي سوته , الرضاعة الطبيعية وقللت من كمية الأكل , وتشرب سوائل كثيرة , ماي والينسون والحليب ومرات عصائر فرش وكانت تشرب حلبة بعد أول شهر بعد الولادة وما زاد وزنها .