عندي سؤال بخصوص الايلس حدرو لاهنتو^^

هو يختلف حسب هم شو يبون منج لأنه بيكون مكتوب في السؤال بعطيج مثال
انا امتحنت 17 ديسمبر اللي طاف كان الموضوع كالتالي
في بعض الدول ما يسمحون للناس انهم يبنون على كيفهم ويسوون ديزاين بيوتهم مثل ما يبون لأن الدوله تحكمهم وتفرض عليهم ديزاينات معينه
السؤال كان هل ايجابيات هل الموضوع اكثر من سلبياته؟اعطي رايك فالموضوع يعني مع والا ضد واعطي امثله عن عن الموضوع عدد الكلمات 250
اول شي بتحطين مقدمه عامه عن الموضوع وتبينين هل انتي مع والا ضد
في الفقرة الأولى لازم تتكلمين بشكل عام ايضا نو والله في بعض الدول تسوي كذا وكذا لأسباب خاصة تعود للبنية التحتية للأرض أو تقاليد البلد وثقافته وووو 0000 ولكن هذا ليس لصالح المواطن لأن الناس لهم الحق في اختيار اللي يبونه حسب متطلباتهم وافكارهم ورغباتهم ولأنهم هم اللي بيستفيدون من ها المباني سواء يسكنون فيها او يأجرونها والدوله لما تفرض عليهم شي هم ما يبونه بهاد الشكل بتتعدى على حقوقهم الخاصة وانه الناس تحب تكون مختلفة عن غيرها مب كل الناس يسوون نفس الديزاين ما بيكون فيه خصوصيه في الموضوع
الفقرة الثانية تعطين مثال انج مثلا زرت البلاد الفلانيه و شفتي انه شكل البيوت كله سوا والألوان كلها نفس الشي و ماعجبج ها الشي وووووو والخاتمة تقولين فيها باختصار انه موضوع تدخل الدوله في اصدار قوانين تخص حصر ديزاينات المباني يعتبر تعدي عن حقوق الغير وانه هدا الشي له سلبيات اكثر من ايجابيات وخلاص
انا الحمد لله يبت في الأيلتس 6 ومن اول مرة وبدون ما اخذ دورة بس مراجعه خفيفة و يبت في الرايتنغ 6
ربي يوفقج واي سؤال انا حاضره

بالتوفيق اختي بارك الله لكي

اللّهم انا نسألُك أن ترزُقَنا حبَّك.. وحبَّ من يُحبُّك
وحبَّ كلِّ عملٍ يُقرِّبُنا الى حبِّك
وأن تغفرَ لنا وترحمَنا
واذا أردت بقومٍ فتنةً فاقبِضْنا اليكَ غيرَ مفتونين
لا خزايا و لا ندامة و لا مُبَدَّلين
برحمتكَ يا أرحمَ الراحمين