علموني كيف يسون مندي اللحم ؟؟؟؟؟؟؟؟

انا بقولك كيف تسوية خذي اللحمة واغليها في ماء لين تنضج نص ناضج
وبعدين تصفين اللحمة من الماي بس لا تعجين الماي، خذي اللحمة وادهنيها بالبهارات اللي هي ( كمول،قرفة،هيل،قرنفل،فلفل اسود) تكوني انتي طاحنه هالبهارات وتدهنين اللحمة بهالبهارات وشويه ملح وشوية زيت وتلفيها بالقصدير و تدخلينها الفرن
الحين باقولك كيف تسوين العيش:
جيبي بصل وحمسيه في الزيت لين مايبدا لونه يصفر وبعدين اضيفي له ثوم مهروس وقلبي شوي ثم اضيفي 3 ملاعق كمول مطحون و 3 ملاعق كزبرة (حبوب)تكوني انتي طاحنتيها بالطحانه او تشتريها جاهز مطحونه من الجمعية وتحطي فيها واحد ماجي او اثنين على حسب انتي ماتبين وبعدين ضيفي العيش عليه واسكبي الماي اللي غليتي فيه اللحمة وحطي الملح وغطيه بالقصدير وخليه لين ينضجوا.

وتقدرين تسوي بالماي مرقة لحم بحيث انك تضيفين حق الماي بطاط مقطع وجزر مقطع وكوسة مقطعه وبصل مقطع وطمامة مقطعه وكزبرة خضراءمقطعه وشوية ثوم مهروس وملح وشوية كركم عشان
لون المرقة وشوية بهارات اللي قلتلك عليها فوق وتخليها تغلي لين ماينضج كل اللي فيها .

يعني اذا حبيتي تسوي هالمرقة لاتضيفين الماي اللي غليتي فيه اللحمة ضيفي عليها ماي عادي بس تحطين 2 ماجي مو واحد اوكي .

اتمنى اني اكون افدتك اختي
ملحوظة: حطي صبغة حق الطعام اللي لونه برتقالي مع شوية ماي واسكبيها على جنب فوق العيش اول ماينضج عسب يكتسب لونيين .

مشكورة اختي