عاجل مدرسة المنار النموذجيه الاعداديه للبنات بالشارجه

حبيبتي كل المدارس النموذجيه سعرهم واحد 5000 درهم شامل الباص والكتب و الأكل وكل شي ما عدا الملابس تاخذينهم بروحج من المدرسه الصناعيه في الشرقان و على كيفج تبين لها لبس والا اربع خذي العدد اللي تبينه و شوفي القياس اللي يناسب بنتج هناك و سعر اللبس تقريبا 50 يمكن أقل أو أكثر اشوي حسب كل مره يزيدون عشر او ينقصون عشر ..
عندهم حصتين للأكل .. عاد هم ينوعون لهم في الوجبات .. فطاير / نجتس مع بطاط / برجر / سندوتجات جبن أو زعتر او نقانق / احياااانا اييبون لهم برياني دياي / … الخ
البنت ما تحتاج مصروف يومي نهائيا … الأكل تدفعين جيمته من ضمن الـ 5000 محسوب يعني … في الغالب الدفع آخر العام كامل ..

عاد بخصوص المدرسات والله ما عندي خلفيه بس أغلبهم ممتازات بصراحه .. بس مب تحطين كل اعتمادج على المعلمات وانتي بأسلوبج جي تشجعين البنت انها تكون اتكاليه وتحسسينها انه المعلمات ما يعرفون يوصلون المعلومه لها .. شدي عليها اكثر ومب كل ما شفتي درجاتها نازله نقلتيها من المدرسه .. هذا غللللللللللللط .. لازم تروحين تناقشين الموضوع مع المعلمه و شوفي الخلل وين في بنتج أو في اسلوب المعلمه و حاولي تفهمين طريقه تدريس المعلمه و خلي بنتج تكون في الصوره و شجعيها و هاتيلها قاموس عربي انجليزي وعلميها كيف تطلع معاني الكلمات اللي ما تفهمها و خليها تحضر وتذاكر في البيت اول باول علشان يوم تروح المدرسه تكون فاهمه شو اللي تقوله المعلمه مب تروح على عماها ومناك تقول المعلمات ما يفهمون !!

و لو تحسين مستواها متدني وديها معهد خل تقوي اشوي من ذاتها و يا كثر المعاهد في الشارجه .. أهم شي لا تحسسيينها انه الخلل في المعلمات ولا فيها بس شدي عليها و تابعيها و شرات ما قلت لج خليها تذاكر اول باول و تحضر الدرس قبل لا تروح للمدرسه ..

و بالتوفيق ^^

انزين منوه بنتها في الثامن الحينه تراسلني بليز

من اي صف اقدر اسجل بنتي هل من اول ابتدائي ؟