طول الفتره بين الملجه و العرس

عادي اختي غيرج يكملون مالجين سنه كامله
وفي اللي 6 شهور وشي اللي 3 شهور
بس انتي استغلي هالفتره بأنج تتعرفين اكثر
ع ريلج وتخلينه يعرف شخصيتج يعني لا
تتهربين منه بس عشان تتجنبين المشاكل لانه
لو تجنبتيها الحينه بتواجهينها عقب العرس
ف حلو لو صارت مشاكل خفيفه وزعل وعتب
وتاخذون ع بعض ف هالفتره بس حاسبي
وحطي ف بالج انه الزواج مب قصه حب كلها
كلام حلو وغزل، خذيها قاعده اي شي يصير
بينكم او ف حياتج بشكل عام انج تتناقشين
وتتفاهمين وتشوفين سبب المشكله وتحلينها
لا تخلين المشاكل تتراكم او انج تتغاضين عن
بعض الاشيا بحكم انكم ف فتره الملجه لانه
هاي فرصتكم تتقربون من بعض، وبالنسبه
للزيارات ع حسب ودامه بارد عطيه شهر
وشوفي اسلوبه وطبعه وهو متى يفكر يزورج
اذا عيبج جدوله تمي عليه واذا لا دايما
خذيه بالكلام الحلو وناقشيه بخصوص الزيارات
ولا تسمعين لكل حد الحينه انتي لج حياتج الخاصه
وها ريلج وانتي اللي بتكونين ادرى فيه اكثر عن
اللي ينصحونج والله يتمم لج ع خير يارب

احلام نقطة مهمة وايد وايد ذكرتيها
لاااااا تحكمين عالريال من ايام الملجة
انا عني وايد وايد صفات كنت اشوفها بريلي
وعقب طلع العكس تمامأاااااا

المشاركة الأصلية كتبت بواسطة تسونامي

شخصيا اقول لا تتعرفين عليه في ايام الملجه
لانه بيكون انسان غير ….وبعد العرس غيرر
يمكن لانه مايعرفج اومستحي <<نحسن النيه خخخ
علشان ماتنصدمين وتقارنيين

انا نفس كلام الاخت الغالية
ومبروك عليج
والله الافضل لج ولمصلحتج …والله يوفقج يارب ويسعدج