طفلي والعاده السيه ياريت الاقي حل عندكن غالياتي

السلام عليج اختي
انا ما مريت بهالشي .. لكن بصراحه اشوفج تعرفين انج لازم ما تظربينه والا بيعاند اكثر وبيصر اكثر … ولو كانت عارض بسيط وبيروح بهالطريقه بتركزين هالعاده عنده وما بتروح بسهوله.. اول ما تشوفينه حط ايده على طووول اشغليه .. ناديه خليه ينتبه بشي ثاني ويركز فيه لعبه اي شي كلميه سولفي وياه وانتي ماسكه ايده … داايما سوي هالشي يبي له انتباه منج فالبدايه عشان كل مره بيحط ايده انتي جاهزه.. كوني صبوووره ولا تستسلمين ابدا يبي له تكرااار وكوني ومرحه وياه ولا تحسسينه انج تلعبين وياه بس عشان تشيلين ايده لا .. واذا المرظاعه فايد حطي دبدوب فالايد الثانيه وقولي له يحظنه ويخليه يطالع التلفزيون وياه .. (دبدوب كبير عشان ايده ما توصل لول)
هذا اللي خطر عبالي الحين والله يعينج يا ربي وان شا الله العضوات يفيدونج

حبيبتي عادي لا تخافين ولا شي هاي السن مرحله اكتشاف الذات واغلب اليهال اذا مو كلهم يمرون بهالمرحله البنات والاولاااد

بس كل ما شفتيه يسوي هالشي الهيه والعبي وياه ولا عطيه يمسك شي بايده الثانيه مثل ما قالوا الخوات

وحتي لما يتسبح لا تخلينه روحه العبي وياه بالماي وجي وتراها مرحله وتعدي