طفلي ضعيف بالكتابة مساعدة

ختيه قدرات كل طفل تختلف عن الثاني ، ابتدي وياه شوي شوي ، يعني أولا حطي في حجرته فلاش كاردز عليهن كلمات بسيطة مثل بطة ، كتاب ، أمي ،الخ بخط كبير عند سريره مثلا لين عينه تألف الحروف وبيحفظ شكلهم غيابيا ويوم بتخلينه يكتب بيكون الحرف موجود في مخه أصلا ، وتقدرين تسوين بحث في النت بخصوص مهارات تعليم الطفل الكتابة في مرحلة ما قبل المدرسة

حبوبه ابنك صغير لا تستعحلي عليه هذي قدرات و عضلات اليد عنده في مرحلة نمو،طولي بالك عليه و حاولي تنقطيله الحروف و خليه يمشي عليهن في البدايه بعدين لما يده تاخذ على الكتابه بيتحسن.

أنا بخبرج عن تجربتي لاني كنت في نفس المشكله مع عيالي, سرت معرض الكتاب اللي كان فاتح في بوظبي العام وما خليت حد ما سالته شو احسن طريقه ان الطفل يتعلم الكتابه

أولا أشتريله أوراق ودفاتر للبيت يشخبط يرسم دواوير مربعات علميه بطريقة انج تسويله مربع بالنقوط وهو يكمل وراج, بتقولين شو الفايده اعلمه مربعات ودواوير ابا حروف وأرقام, انا بقولج ليش في هالسن الطفل لازم يتعود عالقلم وكيف يمسكه ويحركه فالاحرف ما بتعيبه الرسوم بيرتاح وبيشخبط وبيخلص الاوراق بالتشخبيط بس خلاص بيكون تمكن من مساكت القلم والكتابه…

ثانيآ دخليه فالجد من اول مره ما بيفلح امسكي يده وبعدين سويله صفحه كامله احرف بالنقط خله يعيد وراهن واذا خلصته وسويته كله صح بحطلك نجمه وبعطيك ( اذكريله شي هو يحبه ) وصدقيني بس شوية انتباه منج وبيكون أوكيه..

أنا عيبني كتاب فيه أحرف وارقام ودوائر ومربعات كل الاشكال بالنقوط الياهل يعيد وراها ويمسحها بالكلينكس مثل الصبوره وهو كتاب ثقيل فيه كذا صفحه خذته من معرض الكتاب وااااايد استفادوا منه عيالي الحمدالله..

والله يوفق ولدج ان شالله