طريقه ونظام الحضانه

بالعكس اذا سجلتيه ف حضانه زينة بيكون شي وايد مفيد له .. من الناحية الاجتماعية والتعليمية .. بيتعلم يلعب مع اليهال الثانين وبيتعلم الاختلاط ومشاركة النشاطات مع الاطفال .. هذا غير عن انه بيتعلم اللغة الانجليزية ف سن مبكر طبعا اذا دخل حضانه اجنبيه .. انا ولدي حاليا ف حضانة كنسنغتون الي ف دبي Kensington Nursery وصارله من كان عمره 8 شهور ف هالحضانه .. الحين كمل سنة و9 شهور وماشاءالله بدى يتكلم ويعرف الالوان والحروف بالانجليزي واسامي الحيوانات والاشكال والمركبات .. قبل كان وايد منطوي ومايحب يلعب ويا اليهال بس كان كل يوم عن يوم يتحسن .. وحتى من ناحية الاكل ماكان ياكل عدل بس عقب مادخلته الحضانه قام ياكل لنه يشوف اليهال ياكلون فيتحمس ياكل وياهم ..

اما عن نظام الحضانه فيختلف من حضانه للثانية .. بالنسبة للحضانات الاجنبيه تقريبا غالبتيهم نفس النظام وبيكون :

1- فترة الصبح : العاب تعليمية وبعدين يعطونهم سناك او وجبة خفيفه ع الساعه 10 والساعه 1 يكون الغدا
2- يرقدونهم من 1 ونص ل 2 ونص ف غرفة خاصه وكل طفل له شبريه خاصه فيه مع لحاف ومخده بس انا دوم اوديله لحافه ومخدته لانه مايروم يرقد بدونهم
3- عقب ماينشون اليهال يكون عندهم outdoor activity يطلعون الاطفال لحديقة الحضانه ويلعبونهم هناك طبعا اذا كان الجو حلو ، والحلو ف العابهم انه غالبيتها تعليمية وتنمي مهارات الطفل
4- عندهم نشاط رسم وتلوين يومي .. والكتابة يبدون يعلمونهم من عمر 3 سنين
5- طبعا يخلص الدوام 3 الظهر بس للاهالي الي يداومون لعقب الساعه 3 يتمون لين 6 ويا الياهل.

ولدي ف حضانه بس كمل سنتين ونص الحضانات ع حسب شي منه راقي وشي اي كلاااام انتي واختيااارج بس جي جي بيستفيد الطفل انا مسجله ولدي حضانه اتعلمه القران والعربي اهم من الانجلش لان لاحق ع اللغه وبالتوفيق