{ ضَحـايـا الطَلاقـ,,,, الجُزْءُ الّثـاني .

الســــلام عليكم ورحمة الله وبــركاته

ما ادري هل أنا بقصتي هذي بقدر أوعي عقووول

او أترك عظة وعبرة لكل وحده تفكر في نفسها وتنسى عيالها

او ما تحسن في التصرف لصغر سنها ..في الحياة الزوجية

او….او….او…

هذا الجزء الاول لضحايا الطلاق

http://forum.uaewomen.net/showthread.php?t=308455

واليوم بكمل لكم القصه…

وادعولها يا بنات ..الله يخليكم …ويخلي اهاليكم لكم …
وادعوا لكل يتيم ام وابو وهم احياء …

النقطة الاولى …

البنت على حالها ماشي تبدل ..رسبت في صفها …
وانا كنت احملها مسؤولية هالشي يوم شفتها في الصيف آخر مرة

بس اكتشفت شي يديد…
ان ام فاطمة تعرف بإلي تسويه حرمة ابوها ..وسااااااااااااكته …
تعرف انها تروح لمدرستها وتجرج المديرة عليها وتجرج المعلمات
وتشوه سمعتها ..تخيلللللن …وانا اقولها هالانسانه اللئيمة لو ترمس تتصدق
اسلووووب ولا ممثلة محترفه …بس حسبي الله ونعم الوكيل فيها وفي إلي صدقوها من دون دليل

ما عليه سكتنا

ام فاطمة إلي ما اعتبرها ام اصلا ..من بعض مواقفها …>.<
يوم فاطمة يت عندها آخر مرة توقعن شو كانت تسوي
تنقل لحرمة ابوها ادق التفاصيل غير انها تألف وتستنتج على كيفها …
يعني فاطمة بتسير عند بنات خالتها لان بيت امها محد فيه من عمرها
يوم تتصل حرمه ابوها تقولها والله ما تطيع تيلس عندي تبا ترووح تيلس على النت عندهم

تخيلن …وهذيج تقول لأبوها بنتك تيلس على النت والله اعلم شو تسوي ….وفوق كل هذا تسجل رمست ام فاطمة الذكية

رغم ان خالت البنت محذره امها من حرمة ابوها وتقولها توقعي انها تسجل صوتج
توقعي ان ابو البنت عدالها وانتي تخرفين وتألفين

وتقول لا انا ما اقول …

وايد كلام تقوله …يعني انا اعرف ان امها فيها شي نفسي والكل يعرف هالشي يعني في بعض تصرفات
تطلع منها …او نقدر نقول انها شكاكه …

تخبرها ان بنتها تلبس بجايم جدام ريلها او جلابية ما تعيب ام فاطمة
رغم انها ربيبته مثل بنته و اكثر ويعزها ويحبها …

وهذيج تنقل لأبو البنت …ترا ام فاطمه تقووول جيه وجيه وجيه

استغفر الله شو مستوي هالبنت لا مترقعه لا من ابو ولا من ام ولا من يده

ويدها إلي كان سندها في هالدنيا توفى والله اول ما سمعت انه اتوفى

قلت راحت البنت راااااااح إلي بيدافع عنها

لاحد يقول وين ابوها …..

لان فاطمه خبرتني ان خدامتهم تقول ان حرمه ابوها كانت تي وتحط شي في الاكل

وفوق هذا يوم كانت صغيره كانت تشلها عند ساحره وكانت تدخلها في حجرة متروسه فيران

وتقولها لو خبرتي ابوج حرمت ابوج بتيبج عندي وبدخلج في هالحجرة

اختها من ابوها إلي كانت قريبه منها امها سحبتها عنها وما تخليها تقعد وياها رغم انها ما تداني بنتها

بس لانها تخاف بنتها تتعاون ويا اختها …او شي او تواشي على امها لان امها بروحها بلاوي

يا خواتي ما اعرف شو اسوي

لا تقولن ارمس البنت …ما اقدر اتصل فيها اصلا …إلا إذا رتبنا ويا حد

ما اقدر اشوها يلين الصيف الياي هذاااااااااا إذا يابوها …عندنا

تخيلن البنت الحين راسبه في نص المواد وبسبه انها ما تسوي مشاريع
لان حرمة ابوها شلت الاب توب عنها ودوم تقولها بشوفج كيف بتنجحين

دووووم تخليها في حجرتها …ابوها مب صاحي من فعايل حرمته فيه كأنه مغيب

آخر شي شو استوى المدرسه اشتكت من البنت انها ما طاعت تمتحن شي جيه بروحي ما اعرف السالفه

كامله …فعاقبوها وابوها درى …تخيلن كسر العصا عليها …

غير ان حرمه ابوها تروحححح للمدرسه وتجرج الادارة عليها …حسبي الله ونعم الوكييل

الله يسخرلها حد ويكون لها عوووون

لا ام

لا اب

لا يده

لا مدرسات ولا مدرسه

ما اعرف

ما اقول غير حسبي الله ونعم الوكيل في حرمة ابوها وفي كل من ظلمها
الله يرد كيدها في نحرها …ويبليها ويذلها مثل ما ذلت هالمسكينه من صغرها

انا بروحي منهارة …

يا خوفي اسمع في يوم انها جتلت نفسها …ولا سوت شي يزيد الطين بله

بنات ادعوا ان الله يحفظها من شر حرمة ابوها ويرد لها بوها مثل قبل
شو بتفيد الفلوووس واحسن الملابس يوم الابو وجودة والعدم واحد

شو بيفيد الطلاق يوم بتكوون فاطمة وغيرها من الضحايا …
وبيتحملون غلط الام والابو ….الطلاق حلال …بس مب العيال يشلون ذنبه

يا بنات دلوني بأي طريقه اقدر اساعدها …والله امووووت واسوي شي
مب قادرة …
احس البنت شويه عن تستوي خبله وتين …بروحها نفسيتها زفت