ضيعوني وزارة التربية والمنطقة التعليمية ——-

وانا بعد انظلمت اقروا قصتي

ظلموني ظلم شديد

وديت لهم شهادة الدبلوم عسب يزيدوني 10 درجات ومن اول يوم استلمت فيه الشهادة ع طول

ع المنطقة – حتى اني سويت حادث –

ووديت الشهادة المنطقة وهم قالوا بيطرشونها الوزارة وكل يوم اتصل الوزارة لكنهم يقولون ما وصل لهم شي واتصل

المنطقة ويقولون نحن مطرشين الشهادة بالفاكس وبنرد نطرشها مرة ثانية لكن الوزارة قاموا

يستعبطون ولا زادوني

الين نزلوا الاسامي ويوم سرت لهم قالوا البارحة زدناج — عقب ما نزلوا اسامي اللي بيونهم

زادوني

كان الفرق في درجة المقابلة بيني وبين وحدة اعرفها درجة وحدة

بس وانا وديت لهم الدبلوم لكنهم ما زادوني وتعينت هي ع درجة البكالريوس

ويوم راجعت المنطقة قالوا الوزارة كانت موقفة حساب درجات الدبلوم عشان التعيينات

قلت لها كلام غير منطقي ولا يدش العقل ابدا

يعني هي تطلب منا شهادة البلوم عسب نتجدم وتكون لنا الاولوية وعقب ما تحسب الدرجة ؟؟؟؟؟

شو هالمصخرة وشو هاللعب ع عقول خلق الله

عيل ليش يكتبون الاولوية والاخروية ؟؟؟؟؟؟؟

انا خريجة امتياز — وهذا عليه درجات

عندي icdl

وبلوم مهني – دبلوم تربية

ونجحت في المقابلة

بس ناقصتني الخبرة بنظام المكافأة

مع ان عندي شهادة تدريب من المدرسة لكن الوزارة تطلب اللي بنظام المكافأة

وطلع تعيين اللي اعرفها في الدفعة الاولى وانا بعدني اتريا

شفتوا ظلم اكثر

لكن انا واثقة ان ربي بيعوضني بوظيفة احسن