صلاله في شهر سبعه وفي اجازة العيد شوفوا الفرق

ثاني يوم الصبح كان الجو حلو ورذاذ وطلعنا نتمشى

واول شي للدهاريز علشان الناريل ^_^

وبعدها خذنا فطاير من مخبز عمان الحديث ورحنا البحر علشان نتريق ^_^

وبعدها رجعنا الفندق لانه يوم الجمعه وبعد الصلاه خذنا غدا ورحنا لعين حمران وبعدها لليبل علشان نتغدا
وكان الجو ضباب ورذاذ

وبعد ما اخترنا مكان علشان نتغدا ونتحرك بسبب الرذاذ اكتشف هالبعوضه العملاقه خخخخ

تحركنا ورحنا لوادي دربات تمشينا وخذنا ايس كريم وبعدها يلسنا نفس المكان اللي يلسنا فيه اليوم اللي قبله

وكانوا عدالنا سعوديين ريال وحرمته وعيالهم اثنينه استانسنا باليهال يمرون يلعبون ويانا ويروحون

وجريب المغرب رجعنا للفندق وبعدها رحنا لقرية سمهرم السياحيه وكانت مسكره ورحنا لمركز البلدية الترفيهي

وتمشينا وبعدها رجعا الفندق ورتبنا اغراضنا ورجعنا الامارات سالمين غانمين ^^

يتبع —>

ومن توصل صلاله لازم تدور على سكن عاد العايله الكريمه يبغون بيت في منطقة السعاده

ومهما تتصل تكلم المكاتب طول الطريج علشان يحجزون لك بيت ماشي فايده يقولون شي شي

ولما توصل يقوولون تاخرتوا واجرنا البيت عاد مرينا على كذا مكتب

واللي ضحكني لما طلعنا من واحد من مكاتب التاجير انهم كانوا يسوقون على سرعه 15 او 20

واقول لريلي غريبه ليش هالسرعه

قالي نلحق راعي مكتب التاجير

قلتله وينه قال شوفي جدام خخخخخخخ

خخخخخخ هذا هووو راعي السيكل يحليله تعبوووه لما وصلنا للمكان اكتشفنا انها شقه ونحن نبغي بيت

ورحنا تمشينا مرينا الدهاريز وياعيني عالجووو

وبعدها رحنا متحف ارض اللبان في منطقة البليد الاثرية وتمشينا شوي وعيبتني هالسفينه

وشفت هالحجر المنحوت وكان عملاق
وهذي المرساه عباره عن قطع من الجرانيت ويعتقدون انها مصنوعه من قبل 1500 سنه وطبعا حصلوها على عمق مترين في الجانب الجنوبي لسور البليد البحري وطولها 2.30 م ويتعدى وزنها الطن الواحد

وبعدها اتصل فينا واحد من المكاتب وقال انه في بيت في السعاده والحمدلله

هذي مجموعة صور لمنطقه وادي دربات شوفن كيف تغير المكان

طبعا نزلنا وكان خاطري اركب القوارب بس كان عندهم زحمه وشباب

المهم الياهال ركبوا واستانسوا

ونحن طالعين من دربات جريب المغرب شوفوا البقر ماشاء الله عندهم بقر واااايد

يتبع في الصفحه الثانيه —>