شو رايكن الياسمينة أو غلينلغ؟؟

موفقــه الغــالية
للـــرفـع,,

للرفع

مدرسة الياسمينة بالنسبة لي ما تنفع هذي المدرسة للاجانب فقط
عندي 3 اولاد فيها كي جي 2 وقريد 5 و 6
تأسيسهم للانجليزي ماعليه كلام تووب
سلبيات المدرسة لسته طووويله:
الكي جي عادي يغيرون في السباحة جدام بعض ويوم اشتكيت قالوا هذي مدرسة بريطانية وفي بريطانيا جذيه يسوون؟؟؟؟ العربي والدين ينعطى بعد الكي جي
مافيه اهتمام بالطالب سلوكيا ولا اخلاقيا ابدا يعني انسي انه ولدج يتعلم القيم والاخلاق…. مدرسة واااايد فري ومن لبس المدرسات يتاكد هالشي تحصلين المس لابسه تنوره وفخوذها وصدرها كله برا(السموحه ) وين هاي تبى تدرس!!!!!
تعاملهم مع اولياء الامور (المواطنين خاصة) سيء وهذا مب رايي انا بروحي …يبون شواغر حق ربعهم
التركيز الاول عالطالب الاجنبي في كل شي وبعدين انت ياحليلك يا ولد البلاد!!
ما ادري ليش كل مدارس الدار موظفات الاستقبال عيايز؟؟؟
ومدرسات العربي نادرا يكونن متحجبات؟؟؟ ومدرسات الدين يعطون المادة بدون الاهتمام بحفظ لا حديث ولا ايه ولا حتى دعاء!!
التربية الوطنية للصف السادس فقط!!
حتى اليوم الوطني خلوه اليوم العالمي علشان الاجانب وحليلهم ما يحسون بالغربة والمدرسة ماسوت ايييي فعاليات اولياء الامور يابو الخيمة والمقهويين والا المدير ايي بكل برود ويتصور مع الفعاليات اونه المدرسة مهتمه ومسويين هااا كله

بعد اللي قلته انا حاليا ادور على مدرسة ثانية بأي مبلغ مايهم المهم نحن نحتاج لمدرسة تطلع عيالنا بلبل في الانجليزي وعقل مبدع مفكر وفي نفس الوقت ما ننسى الدين والاخلاق والقيم والهوية الوطنية

بعد البحث البعض رشحلي غلينلغ؟؟؟ بجرب والله يكتب اللي فيه الخير