شو رايكم بمدرسة النشئ الصالح بأمانه

اممممممممممممممم .. لا قصايد لازم نتاكد من المكان اللي نحط عيالنا فيه وخاصه انها مرحله تأسيسيه وااااااااايد بتأثر في عيالنا … لازم نسأل ونتأكد ونشوف راي البنات اللي مسجلات عيالهن هن ادرى … والنقل من مدرسه لمدرسه يدمر شخصية الطالب ويضعف شخصيته عسب جي انا اريد اتاكد قبل لا اداوم بنتي فديتها..

صراحة اللي سمعته عن المدرسة إنها زينة ويهتمون بالقرآن واتذكر مره سرت اسجل عيالي بس ما سجلتهم لظروف …يطبقون المناهج الأمريكية مثل مناهج الاتحاد والإمارات …أختي مثل ما قلت التأسيس وايد مهم ..توكلي على الله وخلي عيالج يداومون هاذي السنة وجربي إن شالله بترتاحي وياهم …

الله المستعان

مرحبا بنات
انا مسجلة بنتي من الروضه الاولى والحينه عندهم بتسير صف ثاني ابتدائي والحمدالله بنتي مستواها ممتاز دراستهم وايد ممتازة يهتمون بالطلبه ما عليج الا تكونين متابعة معاهم .
عندهم مناهج ممتازة انا شفت كتبهم وااايد مستواها عالي ويهتمون بالقرآن يعطونهم حصص تلاوة حفظ وما شي موسيقى وخرابيط , يحبون يشاركون في نشاطات مختلفة مثل الرياضه والقراءة او رسم
الصراحه مديرتهم ما في احسن منها اي مشكله او انتقاد او ما عجبج اسلوب معلمة او مشرفه خبريها عنها على طول تتفاعل معاج اتشوف المشكله واتحلها .