شو الفرق بين شركة الارامكس وشركة امبوست ؟ العضوات لمجربات ادخلن وعطني تجاربكن

الامبوست تقريبا حكومية لكن تاخذ رسوم …بس مب كثر الارامكس لانها شركة خاصة اسعارهم اغلى..ومبالغين بعد خاصة هالفترة زادوا اسعارهم وايد..

يعني انصحج بامبوست..يوصلون لج الغرض لعندج واسعارهم مناسبة..ولو انتي تشتغلين تاكدي من الجهة اللي تشتغلين فيها اذا مسوين اشتراك معاهم بيسوون لج خصم 50% حسب هيئتكم…يعني انا احيانا ارسل معاهم اغراض ياخذون علي 10 دراهم اذا اقل عن 5 كيلو..واذا زاد الوزن يحسبون..اما الاراماكس بدون مايكمل 5 كيلو يقولج 40 درهم..واعتقد مسوين خصم لهيئات معينة…بس عاد يذلون الواحد يلين يردون على التلفون..
وهذا رأيي الخاص

وبالنسبة للتسوق في النيت اذا حبيتي غرض من تاجرة معينة راسليها واتفقي معاها واعطيها بياناتج عشان ترسلهن لج..اما الدفع يختلف من تاجرة الى الثانية..اما ان كنتي تقصدين انج تشترين عن طريق بطاقة الفيزا في النيت ماانصحج.لانه تسبب لج مشاكل كبيرة ..

والله يوفقج

جزاكم الله خيرا

انا الي استفدت مب بس الاخت الي تسال

مشكورات خواتي من باكر بروح اشترك في الامبوست

بس خبرني شو المطلوب بالضبط وشو يسولة اول ماتيين عندهم يعني شو اقوللهم ؟