شهوده و الخجل

أنا بنتي بعد ما تتكلم أبدا فالصف و فالبيت تبينها تصخ أبد
من الروضه اللين الثامن و احنا على نفس الحاله

شوفي الغاليه انا بنتي نوعا ما خجوله انا بسالج سؤال حبيبتي ..

انتي يوم كنتي صغيره ماكنتبي خجوله؟ في بنات وايد مو بس بنتج فيهن خجل ومايرمسن الي بالتعود

لاتضغطين وايد عليها لكن شجعيها ذكريها ان في التجاوب درجات وتفوق سيري المدرسه احضري حصه وحده ع الاقل شجعيها وخلي المدرسه تسوي نفس الشي
وان شاءالله ع مرور الايام بتتغير هيه بس مستوحشه المكان لانه يديد عليها وهذا احنا الكبار اذا سرنا مكان بنستحي فمابالج باللي اطباعهم خجوليه

يله حبيبتي اشوفج ع خير

فديتها والله .. حاولي تشجعينها شوي شوي يمكن المدرسه يديده عليها عسب جذيه وبنات يداد .. شجعيها انتي والمدرسه بس بدون ضغط وقوليلها ماماه يوم بجاوبين بيعطونج نجمه ودرجه حلوه وهدايا وانا وباباه يوم بنجوفج جذيه شطوره بنيب لج الي تبينه بس لازم تشاركين مع البنات وحاولي خلي المدرسه تخليها تخالط البنات وتسويلهم عمل جماعي فالفصل عسب البنات يندمجن مع بعض ويتخالطن ويتكلمن .. وانتي من صوبج خليها تنمي الثقه في نفسها شوي شوي . . والله يحفظ لكم عيالكم .. واتمنى فدتكم .. ودعولي الله يقومني بالسلامه والسموحه منكم