شعر

تعبت أصبر على الطعنه وأداوي قسوتي بليني
تعبت أبقى على حالي وأكتم لوعة المأسور
تعبت أقول للخاين دخيلك بس يكفيني
وأشوفه ما سمع صوتي كنه بطعنتي مأجور
تعبت أقلب كفوفي على همٍ مخاويني
تعبت ولا تعب غيري كما عتمى خلفها نور
تعبت أزرع نقى روحي وماتت به رياحيني
أثاري الزرع ما ينبت بأرضٍ مملحه أو بور
تعبت أقول للدمعه يكفيها ذبلت عيني
وأشوف من القهر دمعٍ على خد الرضى منثور
تعبت أسجل إعجابي بناسٍ هم مواليني
صحيح الزين ما يكمل لكن اتقنوا هالدور
حبيبٍ قال أنا أحبك حلف لي ما يخليني
ومن طيبة خفوقي جيت مهدي للحنايا شعور
أثاري الغدر يا قافي من اللي هو مخاويني
وطبع الوقت ما يرحم ومن هو بدنيته مستور
أبسأل ليه يغدر بي ؟ حسافه عشرة سنيني
أبي أعرف سبب واحد متى قالوا الغدر دستور؟!كلٍ خان ،
والطعنه ورب البيت تكفيني
دخيلك بس لا تنسى ترى هذا الزمان يدور

للامانه منقول