شاركينا بوصفات العشاء المصوره

انا اول وحده اشارك وهذي اول مشاركه لي في سيدات الامارات

وبشركم وبخليكم تحلون بعد

ترا والله هذا انا مسويتنه ولازم اجربونه وتعطوني رايكم والدليل اشوف الصوره منكم واتمنى الكل يشارك والله ملينا من كوبي و بست

المقادير:-
كوب ونص طحين ابيض – كوب ونص ماء – نص فنجان زيت – ملعقه ص بيكنج بودر – ملعقه ص سكر – ربع ملعقه ملح – ملعقه ونص ك حليب بودره .

الطريقه :-
تعجن جميع المقادير وتكون سائله تقريبا

الحشوه :-
3 بيضات – 5ملاعق مايونيز – 5 ملاعق حبن كرافت – طاسه صغيره زيتون اخضر واسود مقطع – 3 قطع صدور دجاج مسلوق ومفروم – 1 فلفل رومي ( فلفل كبير بارد ) – 1 حبه جزر مبشوره – 4 ملاعق بقدونس مفروم – وجبن مبشور – بهارات نص ملعقه كمون – ربع ملعقه فلفل اسود .
الطريقه:-
تخلط جميع المقادير مع بعض جيدا وتوضع في القوالب على العجينه مثل الصوره وافضل تحطون قوالب ورقيه في الصينيه احسن علشان مايلزق الي ماعندها الورق تحط في الصينيه زيت

وهذ الشكل النهائي

والحين بخليكم تحلووون والله انكم تستاااهلون

حلا بالقشطه حلووووو

المقااااااااادير:-

1- واحد كيس سليس ( خبز سليس مربعات ).
2- علبتين قشطه .
3- علبه حليب مكثف صغيره .
4- 2كوب ماء .
5 – 2 فنجان سكر .
6- ربع ملعقه زعفران .
7- ربع ملعقه هيل .
للزينه اختياري زعفران – فستق مطحون – اي نوع تحبين .
قـــــوااالب الكــيك الورقيه

الطريقــــه:-

1-يقطع السليس دائر بحجم القوالب ويدخل الفرن حتى ينشف تقريبا 4 دقائق .
2-يوضع على النار السكر حتى يحمر مثل الكراميل ويوضع عليه الماء والهيل والزعفران حتى يغلي
3-يوضع السليس في القوالب ويسقى بالكراميل رقم 2 .
4-يخلط القشطه وحليب المكثف وشوى زعفران ويوضع على السليس في القوالب ويزين بالزعفران ويدخل الثلاجه حتى يبرد

ابغي رايكم بأمانه ودعوو حق بنتي الله يشفيها نوره الحبوبه

تسلم ايدج اختي ع الاكلات اللذيذه وسهله بجرب طريقتج لانها وايد سهله وشكله يفتح النفس

والله يعطيج الصحه والعافيه

الموضوع الصراحه قمة في الروعه

ان الله راد بنشارك معاكم

والله يوفق الجميع

الله يعطيكم العافية، والله شوقتونا للطباخ
الصراحة وايد حلو الموضوع. ان شاءالله بحاول أشارك.