سوال عن شهر العسل .

انا سايره ماليزيا مرتين بس فالصيف

فما اعرف عن شهر 1
بس اللي اعرفه ان جوهم في كل السنه نفس الشي
يعني ما يتغير

الاماكن السياحيه
كوالالمبور " العاصمه" فيها يميييع المولات .. و خليها لآخر الايام لانها كل الشرا بس

في منطقه اسمها افاموسا وفيها منتجع و حديقه حيوانات و حديقه مائيه والصراحه حلوه وتبعد عن العاصمه ساعتين يعني اترومين اتسيرين واتردين العاصمه في نفس اليوم
ها يوم بتكونين في العاصمه

و اكثر منطقه عيبتني هي " جنتنق" و المسافه من العاصمه لين جنتنق اتوقع 4 ساعات
في هالمنطقه لازم تلبسين شي غليظ لان المنطقه بااارده و واااايد خباال
فيها تلفريك و حديقة العاب كبيييييره و واااايد حلوه
هي منطقه صغيره بس جنااااان
يعني المنظر روووووووووووعه

" الكامرون " اظن المسافه بينها وبين العاصمه 5 ساعات
بس بعد واااايد حلوه
فيها مزارع الشاي .. الفراوله .. العسل .. الفراشات …
و واايد اتخبل
واحلى منظر فيها هو جبال الشاي ..

"جزيرة لنكاوي"
اتسيرينها بالطياره الداخليه وتقريبا 45 دقيقه ما اذكر بالضبط
و وااايد حلوه
فيها شلالات .. تلفريك يخوف وااايد بس المنظر رهيييب من التلفريك ..
حديقه الفواكه .. حديقة الحيوانات .. السمج ..
البحر .. الطرادات رووووعه .. و كهف الخفافيش ..

انا هالمناطق اللي سايرتنها وفي مناطق ثانيه و اتمنى البنات يفيدونج فيها
مثل جزيرة بننق و جزيرة صباح ..

ماليزيا منطقه آمنه ..
اركبوا التكسي وقولوله حوطنا و بيوديكم كل مكان و بيكون وياكم
وواااايد يساعدونج

اتمنى اني اكون افدتج بشي ^__^

هيه وانا بعد ابغي اعرف

منكم نستفيد

ماعرف السموح منج