سمنة الأطفال

الانتباه لأكل الطفل ويمنع عنه الشيبس والسكريات
وطبيعية العابه تكون فيها حركة مب تي في وأي باد وغيره

للأسف السمنه منتشره بين الأطفال فعلا ..
ومافي حل وسط … يا تشوفين أطفال تبارك الرحمن مكرشيين ..أو يكونوا عصاقيل وعظهم طالع ><

طبعا معروف الأكل له دور .. بس في اطفال أكلهم صحي بس ما شاء الله شهيتهم مفتوحه و وقت الوجبات يضربون بالخمس ..
وغير جي في أطفال يبلعون الاكل بلع بدون ما يهضمونه عدل يعني يبا يخلص أكله بسرعه وهذا غلط كبير …

وسواء كان النظام الغذائي صحيح أو خطأ فهذا دور الأم أولا ولازم تنتبه له .. ولو أكله صحي تقلل من كميه الأكل اللي في صحن الطفل و تحاول تنبهه انه ياكل على راحته ويهضم الأكل عدل في حلجه .. ولو كان ياكل في خاشوقه ( ملعقه ) تصغر حجمها وها له دور كبير انه يخليه يشبع بسرعه لانه بيمل وهو يشل ويحط ..

و الشي الثاني اللي يفاقم المشكله هو الحركه … للأسف جونا ما يساعد على الحركه وحتى انا شخصيا كنت أروح امشي يوميا ومن بدت موجة الحر ما صرت أقدر أطلع حتى في حوش بيتنا ><
وأغلب وقت عيالنا للأسف يا على الأيباد أو التلفزيون أو الكمبيوتر أو حتى لو في ألعاب أغلبها تكون بيتوتيه .. تفتقر للحركه ..

انزين والحل !!!!

بما انه صعب نوديهم الحدايق في هالجو الحار وصعب يروحون البحر فالحل اننا نييب لهم شي يساعدهم على الحركه في البيت وبنفس الوقت يستمتعون فيه مب نحسسهم انهم متان ونباهم يضعفون لانه هالشي بالعكس يحبط عزيمتهم والياهل في هالعمر ما يفكر برشاقته وصحته كثر ما يفكر انه يستمتع …
الكره النطاطه هاي حلوه و ممكن نشاركهم فيها ببعض التمارين .. و ممكن نشتري جهاز مشي أو الدراجه المنزليه أو أي شي حركي بيستانسون عليه وبنفس الوقت بيحركون جسمهم .. ونوعي الأطفال لأهمية الحركه ودايما نلاحظهم يعني ما نخليهم يقعدون بالساعات على الالكترونيات نحن لازم نقولهم ستووووب خلص وقت الالكترونيات و مسموح لكم لعب الكره او نط الحبل او اذا كان في مجموعه اطفال خل يلعبون العاب جماعيه مثل كوك أو أين أنا أو حار وبارد أو كره يد يفرون لبعض أو اي شي ثاني ..

ها اللي في بالي حاليا ..

واسمحولي ع الاطاله ^^