{ سمج الفيلية بالفيتوشيني والمقبلات البسيطة }

الطبق الثاني هو الفوتوشيني بالمشروم وشوية دياي للنكهة (خواتي ماياكلن سمج)

ماصورت الطريقة لانه وايد طرق مصورة موجوده في النت

المقادير :
– كيسة الفوتوشيني (وهي مثل الاسباجيتي بس عريضة .. للي مايعرف)
– كريمة لايت جاهزة ..
– جبن البيتزا
– دياي مفور ومقطع شرايح متينه ( اذا تبين بالدياي )
– مشروم (حسب الرغبة)
– وبقدونس للزينة (احب الاكل فيه لون)
– ومكعبات ماجي

والطريقة سهله جدا …

– فوري المعكرونة ..
– وتكونين مفورة الدياي ومقطعتنها .. وممكن تقطعينها في الوقت اللي المعكرونه تستوي
– ومن تستوي المعكرونة .. تشخلينها وتحطينها على يمب وعقبها تسوين النقطة اللي تحت لول
– تحطين الدياي + المشروم في اليدر وتحركين لين ماتحسين اللون بدا يتغير .. ومايحتاي زيت
– اتضيفين الكريمة .. وتحركين .. وعقبها مكعبات الماجي والملج والفلفل الاسود او الابيض..وتحركين
– اتضيفين المعكرونة وتحركين وبسرعة تسوي .. مجرد تختلط المقادير ..
– وترشينها بالجبن … والبقدونس
– وتحطينه في صحن التقديم .. واذا برد الفيتوشيني يصير ثجيل مب حلوو ..
– يعني تكونين مجهزة كل شي وعقبها حطي المعكرونة والجبن والبقدونس..

والحين خلنا نسير للمقبلات

فتووش

صالونة خضار ماماتي مسويتنها

عشقي الخضار المشكلة

المشروم المشوي بالزيت الزيتون والليمون

التعديل الأخير تم بواسطة bnfsj ; 2009-02-03 الساعة 23:17

المشاركة الأصلية كتبت بواسطة أحلى_اماراتية

يم يم الله انا اول وحده وايييييييييييد حلو الطبق وربي يوفقج وتتوظفين

وانا اقوووول من وين ظهر هالنوووور في الموضوع اثاري من احلى اماراتية

نورتي الموضوع خيتووو … واسعدتيني بكلامج الحلووو

وربي يوفقج .. وان شاء الله الله يستجيب لدعواتج حبوبة

تسلم يمناج