سلطة الناتشوز السهلة اللذيذة بالصور

السلام عليكم

شحالكم؟؟ شخباركم؟؟
اليوم يبتلكم سلطة الناتشوز وااااااااايد لذيذة و سهلة
هاي السلطة كانت مسويتنها مرت حميي مرة و كلتها و عجيبتني
و سويتها امس حق بيت امي و عجبتهم وااااايد لدرجة انها خلصت

يلا خلونا نبدا
نقوول بسم الله

المقادير:
بوب كورن دياي
خس افرنجي "بس انا حطيت الخس العادي لأنه ما كان عندي الافرنجي"
شيبس الناتشوز
صلصة ثاوزند ايلاند

الطريقة:
1- نقلي بوب كورن الدياي و نخليه على ينب
2-نقطع الخس و نخلطه في صحن مع الخس
3-نييب صحن و نحط عليه شوية من رقائق شيبس الناتشوز
4-ثم نضيف الخس و البوب كورن على شيبس الناتشوز
5-واخيرا نضيف فوق الطبق الصلصة

وهاي الصورة

هني و عافية

ملاحظة:

بنااااااااااات اللي تعجبها الطريقة وحابة تنقلها ياليت تذكر المصدر و الاسم
لأنه مجهود شخصي
وتدعي لصاحبة الطريقة بالذرية الصالحة