ساعدوني ياحلوات. محتاجة طريقة المعكرونة بالصلصلة البيضا او الوردية

إقتباس:
الرسالة الأصلية كتبت بواسطة Maria_Louisa

مرحبا ..

هذا الموضوع يهم مدمنات المعكرونة ( شراتي )..
انا وايد احب المعكرونة و كل ما اسير مطعم لازم اجرب معكرونتهم و عقب اقارن خخخخ .. و بعد احب اجرب انواع صلصات مختلفة …

الاسبوع اللي طاف طحت على صلصة عجيييييييييييييييييييييييييييييييييبة..حصلتها في كارفور.

طعمها شرات اربياتا اللي يسونها في مطعم دوم..

قلت لازم اشاركم التجربة الحلوة ..

اولا المقادير

معكرونة + زيت زيتون + ملح + بهارات ايطالية + جبن بارميزان + و اهم شي الصلصة العجيبة تكون في بوكس pomito

تفور المعكرونة مع الملح

في نفس الوقت .. تحطين الصلصة و تحرينها مجرد تقلبينها دقيقتين و تضيفين البهارات الايطالية ( كمية بسيطة جدا جدا لانة الصلصة روحها فيها ثوم و بصل و ريحان و فلفل يعني حتى لو ما تضيفين بهارات عادي لانها سبايسي مايلد )..

بعدين تشخلين المعكرونة

في هالوقت تكون جهزت الصلصة تحطينها على المعكرونة بهذا الشكل

و اخيرا و احلى جزء في السالفة ترشين البارميزان على الصلصة يمي يمي ^_*

و تقدم مع السلطة اليونانية ( خس امريكي + طماط + زيت زيتون + زيتون اسود + فيتا + ليمون ) بس ماصورت الخطوات

و اخر صورة

انشاللة تجربونها و تعيبكم ^_^