سؤال للمدرسات اللي عندهم الشراكة في مدارسهم

السلام عليكم

الله يوفقج تفااحه ،،، انا تخرجت من جامعة زايد والحين ادرس في مدرسة شراكه اذا تخصصج تربية اكيد ما بتواجهين مشاكل مع الشراكه لنه خريجاتنا خبراتهن كبيره في اللغة والافكار والتخطيط الصح ^_*

وان شاءالله اني افيدج بهاي المعلومات

ابا اعرف شو فايدة هالشراكة في المدارس الابتدائية…..؟

الشراكه طبعا اساسها تقوية الطلاب في اللغة الانجليزية ووظيفة المساعدات او الهلبرز الاشراف على المعلمات ومراجعة الخطط الدراسية معاهن والمساعدة في بعض الافكار وملاحظة مستوى الطالبات وتقبلهن للمادة

وهل منها فايدةعلى الطلاب…..؟

بالنسبة لمادة العلوم هي تساعد الطالبات على التطبيق العملي لانه معظم الدروس واغلبها تجارب عملية، بعيد عن الحفظ يعني مجرد التطبيق يساعد الطالبة على فهم المادة وهذا شي حلو

وشو هي المساوء التي نتجت منها……او مافيها مساوء…؟

المساوء طبعا انه بداية تطبيقها كان غلط لنهم مابدو مع الطالبات من بداية المرحلة الاولى يعني طبقو النظام على المراحل المتقدمه مثل الصف الخامس والسادس .. الخ وهذا شي صعب ولاحظت انه الطالبات وايد تاثر مستواهن لدرجة انه عدد الرسوب كان كبير جدا اما الصف الاول الي درستهم انا بالعكس كان تجاوبهم وايد اوكيه لني بديت معاهم من البدايه وهم يايين اصلا من الكي جي الي فيها شراكه …

والشي الثاني واتكلم عن مادة العلوم بعد انه ماشي منهج ثابت و يتغير كل سنه وانه الكتب الي نستخدمها عباره عن انشطة وتجارب والاهل ما يفهمونها وهنيه نواجه مشاكل مع اولياء الامور وكل يوم تيني ولية امر تقولي ماعرفنا شو ندرس بنتنا؟؟؟

الانجليزي يستخدمون منهج UAE Parade اعتقد نفسه منهج الوزاره ،،، اما الرياضيات منهجهم غير بس وايد حلو ومفيد

وشو هي الفئة العمرية اللي تقبلت هالمنهج….؟

الصغار طبعا لنه الاساس صح بدينا معاهم من البدايه والصغار يتقبلون المنهج اكثر من الكبار

والله يوفقج

http://forum.uaewomen.net/showthread.php?t=112286