طرابزون مدينة
أوزنجول قرية تابعة لطرابزون

وقرى وايد تابعة لطرابزون.

يعني طرابزون والقرى التابعة لها حلوووووووة
وجوها حلووو وبارد
مناظرها الطبيعية حلوة
كل منطقة أحلى عن الثانية
ناسها طيبة
المساجد بكل مكان

الفنادق في طرابزون يعتمد عليج
تبين وسط السوق.
أو تبين فندق ما يكون شي حواليه

فندق نوفتيل ما في شي حواليه
فندق هورون وسط السوق
كل المحلات حواليج
أي شي تبينه تنزلين المحلات أو السوبرماركت أو السوق والمطاعم

فندق هورون عادي لكنه نظييييف وغالي
فندق نوفتيل 4 نجوم بس ما جربته
بس ما في شي جريب منج لازم تاخذين سيارة

دخلي موقع بوكينج.
واختاري الفنادق اللي تناسبج واقري التعليقات أهم شيء لا تعتمدين
على وصف الموقع للفندق

ياما فنادق مدحوها وما تنمدح
وياما فنادق ذموها وهي تنمدح

في النهاية الناس أذواق وتقييمهم يعتمد على المواقف اللي تعرضوا لها..

بالنسبة لاوزنجول فنادقها خشبية
دخلي موقع بوكينج واختاري اللي يناسبج

ويفضل تحجزين في أوزنغول نفسها من أنج تحجزين من بوكينج
لأنه أرخص حسب علمي ومنه تشوفين بنفسج موقع الفنادق وإطلالاتها

ملاحظة: درجة الحرارة في طرابزون: 13 م
فأكيد في أوزنغول درجة الحرارة أقل بوايد.

فتحتاجون تاخذون ملابس شتوية

إن شاء الله أكون أفدتج