سؤال عن الأغراض الشخصية في الحرم ؟

انا ما كنت اخذها ما احتاجها
احط كلينكس في مخبايه
واروح وعقب الصلاه ارد الفندق اخذ الشنطه ونطلع
مب امان تاخذينها معاج
واذا عن التلفون يوم رحت مع خواتي ما كنت احتاجه اخليه فالفندق بس يوم رحت مع اخويه بروحنا احتجته احطه هزاز في مخبايه

والسموحه

الغالية انا اخذ شنطة صغيرة واحط فيها كل شي من كتيبات الأدعية والمصحف والفلوس طبعا وحتى السواك والكلينكس
واسميها شنطة الحرم..هي مصنوعة من القماش وسهلة الحمل..تشبه شنط الأطفال شوي…ماتعطي انطباع انه فيها فلوس…
خلي جزء من فلوسج فيها والجزء الثاني خليه في الفندق في شنطة الملابس وقفلي عليهم…
الشنطة تكون عندي وتخدم المجموعة اللي معي كلها لأن عادة نكون مجموعة حريم…

واخذ شنطة ثانية وهي تشبه الكيس اللي يحطوا فيه الشنط الماركات …كيس قماشي احط فيه النعول الله يعزج وأغراضي دايما معي…
والحمد لله ولا مرة تعرضت للسرقة

هذي طريقتي واتبعها من سنين …وشوفي تجارب البنات بعد إن شاء الله تستفيدين…
موفقة عزيزتي

انا طريقتي نفس ريشة اخد معي شنطة من القماش فيها ادعية واذكار وفلوس والموبايل على الهزاز وكيس اخر احط فية نعالي وانتو بكرامة واذا تبين اتحطين تمر وماي زمزم مكود الحمد لله وعمرة مقبولة