زوجي والقهوة

انا ريلي لازم يوميا يروح المقهى عند ربعه يعني يغير جو

وبعدين اختي اذا سار عنج كم ساعه بالعكس استانسي

سوي شي مفيد يعني اعتني بجسمج سوي ماسكات

او حمام مغربي

واذا صدق مب قادره تتحملين قوليله مب مشكله سير كل يوم بس ساعتين وارجع

المشاركة الأصلية كتبت بواسطة لك روحي

حبيبتي انا مالجه وما ارضى ريلي يروح المقهى دوووم وعرسي عقب 25 يوم
اتخيلي شو سويت قلت له شو اللي يعيبك فالمقهى قال لي الكابتشينو والتركش حلو اللي فالمقهى اقعد اشرب كابتشينو واطالع افلام مصريه
وفيوم العيد يا يتغدى معايه فالبيت قلت الا اسوي له مقهى عندنا فالبيت صاله خارجيه فيها تيلفزيون وطاوله و4 كراسي وفي كرسي هزاز سرت سويت له كابتشينو وتعبت لين ما اتقنته طبعا خليت اخوي يسير نفس المقهى ويطلب كابتشينو وسالهم عن الكوفي وخذت الكوفي والله اني سويت احلى منه وحطيت رغوه فوق وكتبه بالكاكاو السائل احبك وشربه وشغت له فيلم مصري وحشره طولت ع التيلفزيون وقعدت اشرب معاه قلت له شورايك شرات اللي فالمقهى قال احلى قلت له اوك عقب نص ساعه سويت له تركش طبعا رحت المحمصه وطلبت تركش بالبندق الي انا احبه وسويته له وشربه قال زيديني وصبيت له زياده وصوت التيلفزيون شرات ما هو
والله غناتي ما اقص عليج ان للحين يقول لي تقدرين تسوينلي كابتشينو قلت له من عيوني ويمر ياخذ الكابتشينو ويروح او يمر يشربه ويروح بس فهالفتره لازم ما اشوفه فمن يقول لي يبى اخلي اخوي يظهر له ويسولفون فالحوش ع الطاله ويشرب الكابتشينو تخيلي انا صرت وايد فرحانه من اللي سويته واحس اني بعدته عن المقهى ولما يتصلون ربعه يقول لهم مو فاضي عند حرمتي فبيت عمتي يتحجج الله يحفظه وصدقيني سوي اللي انا سويته مابتدمين واسمحيلي ع القصور

ما شاء الله عليج ،،،،عيبتيني
حلوه الفكره،،،هذا الحل ولا بلالالاش