زوجي عنده الكولسترول كيف اهتم فيه :( ابغي نصايحكم

عموم الدهون المفروض يمتنع عنه …
يعني اكله لازم يكون مسلوق …

مب مشكله ..

بس شووووووووووووووووووووو اسويله ماعرف .. اخاف اسوي شي واضره ..

((( لاتلوموني)))

لالا حطى لة روب خفيف الدسم وجبن حلوم مشوى وخبز اسمر وحليب منزوع الدسم ولا لبنة خفيفة الدسم مع طماط وخيار ومرات فول مع طماط وزيتون وخبز اسمر وسوى لة خضار مشوية وتبولة وسلطات دجاج مشوى صدر دجاج احسن شيلى الجلد خلى يبتعد عن البيض واللحم خلى ياكل سمك مشوى مع رز ابيض وسلطة

ممكن تسويله
كورن فليكس ويا حليب قليل الدسم .. جاهي حليب
خبز ويا مرتديلا لانها مطبوخه
نودلز أو معكرونه
سلطه ويا زيت زيتون لانه ينزل الكلسترول
السمج بعد زين
حق العشا ممكن تسوين خضروات مطبوخه وياكلها ويا خبز
حمص
الثووم بعد وايد زين للي فيهم كلسترول
اذا مايحب ياكل فواكه ممكن تسويله عصير برتقال أو كوكتيل او ممكن تسوين سلطه فواكه
بان كيك أو وافل ..

مممممم … شو بعد