زايد او التقنيه

ررررررررررفع

هلا أختي

في كل مكان و كل تخصص له صعوباته الخاصة ..

و اللي صج حابة التخصص بيقدر يكمل في مجاله و يبدع ..

إذا على الإنقلش بالنسبة للدراسات الدولية فترا في لفلات تقوية الإنجلش في جامعة زايد .. بتساعدج تقوين لغتج ..

و بعدين في ثلاث مواد تعلمج الرايتنغ في متطلبات الجامعة بعد ..

أهم شي إنتي تشوفين نفسج هل إنتي من النوع اللي فعلاً يحب يقرا مقالات و أشيا طويلة وايد أو لا ..

هل إنتي فعلاً عندج شغف بالدراسة عن الدول و الأحداث السياسية و غيرها و لا لا ؟

و بعد حبيت أضيف فكري من ناحية إنه الهندسة أكيد بيكون فيها عملي تجارب مثلاً و غيره ..

أما الدراسات الدولية فيعتمد أكثر على القراية و الكتابة و إنه نوعاً ما لازم تكون عندج شخصية لان عقب ممكن تجابلين كبار الشخصيات أو تشتغلين في وزارة الخارجية – سفارة من السفارات مثلاً و هيك يعني

ففكري إنتي تحسين نفسج وين أكثر..

فهذا يباله تفكير جدي + الاستخارة أهم شي طبعاً

**

و على فكره إذا إنتي كارهه التقنية و تدرسين أصلاً في جامعة زايد حالياً فخلاص ليش ما تفكرين في التخصصات الثانية الموجودة في زايد ..

و إذا عندج أي سؤال عن التخصصات الثانية

و بشكل عام هاي الكليات الموجودة في الجامعة و فيها تخصصات مختلفة تحتها طبعاً:

– عندج كلية علوم الإدارة
– كلية الابتكار التقني ( IT )
– كلية التربية
– كلية الإعلام و علوم الاتصال
– كلية آداب و علوم الاستدامة
– كلية الفنون و الصناعات الإبداعية

فالج طيب ..

و بالتوفيق ..

أنا أقترح عليج أن تكملين دراستج في جامعة زايد مدام أن بديتي فيها
واذا كنتي جينيرال ويعني قربتي من التخصص حرام تضيعين على عمرج
بس اذا بعدج ف بداية الجينيرال وتحسين عمرج تبين التقنية حولي بدون تفكير ..
وترى جو التقنية وووايد غير عن الجامعة يمكن ما تتأقلمين بسرعه
واذا على التخصص اعرف وحده درسته وبصراحة ما انصحج درجاتها وووايد نازلة مع انها تحب التخصص
ومعدلها نااازل ووايد ولاتقدر تشد حيلها
كله كتاااااااااااااااااابة وقراءة وفيه ووايد قصص خيالية وأشياء مادري كيف
فكري ف تخصص ثاني فالجامعة ، اسألي يمكن تحبين شي ثاني
أو جربي تاخذين مادة من تخصص الدراسات الدولية واذا ارتحتي كملي ..
أو خلي حد من ربعج يدخلج كلاس من الكلاسات أو رمسي حد من الأساتذة

والله يوفقج

الوحده ماتشوف شو راي غيرها بما انها مادشت تخصص دراسات دولية
ف اشوف اذا صج ميولج هالتخصص لا ترددين
و ماعليج من كلام غيرج !!
وانصحج ف جامعه زايد اقوى بكثر من الكلية ،
وبتساعدج كثير
والله يوفقج

لاتنسين الاستخاره