ريل اربيعتي وايد يطالع البنات شورو عليها يالمتزوجات

خواتي اربيعتي متزوجه وعقب كم يوم بتكمل سنيتن..ريلها وايد زين ومب مقصر

معاها في شئ..لكن المشكله وايد يطالع..يعني يوم تروح معاه مكان يتم يطالع

البنات..سواء كانت بنت حلوه او عاديه..ويوم اتزخه مرت يسوي عمره يطالع

شئ ثاني..وحتى فالتلفزيون تخيلوا يدقق في الممثلات والمذيعات ولو جلبت

القناه يقولها ردي شوي يتعلث يبا يطالع شئ ثاني..هيه وايد نفسيتها تعبانه

دوم تقوله ودوم تنصحه..لكن عيزت معاه..والبنت ماعليها قاصر حلوه وجسمها..

حلو ومب مقصر معاه لكن من كثر هو مايطالع نفستها تعبت..وقامت ماتسوي

شئ نفس قبل..

تخيلوا حتى الخدامه يقولولها شعرها ناعم

ويحليلها تحس بالنقص وهو السبب..

وقبل ماتعرس مول ماكانت جي شخصيتها بالعكس وايد عندها ثقه..والكل يمدحها

وتهتم في نفسها وايد..لكن بسبب تصرفات زوجها..وايد تغيرت..

خواتي اللي مرت بنفس ظروفها تخبرنا كيف اتصرف مع زوجها..

لانها نفسيتها وايد تعبانه..

ويزاكم الله خير..