تخطى إلى المحتوى
الرئيسية » رمضان والمطبخ ؟؟

رمضان والمطبخ ؟؟

بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم

السلام عليكم

بنات ابا تسمعن مشكلتي وتقولن لي الحل

الله يسلمكن كلنا اندش المطبخ في رمضان ،، شي معروف طبعا

المهم انا وحرمه حماي واخت ريلي اندش المطبخ يوميا ،، بس حرمه حماي الثانيه واخته الكبيره متزوجه بس 24 ساعه في بيت اهلها هيه وريلها وعيالها يالسات مايساعدنا ف شي لا ف الطبخ ولا حزة الفطور ،، حتى خداماتهن مايساعدنا ،، والله يرتفع ضغطي يوم اشوفهن يالسات ف الصاله وحاطات كراع ع كراع ونحن ف المطبخ ،، للعلم البيت ف خدم وطبابيخ
يوم اشتكي لريلي يقولي انتي العاقل لاتخلين عقلج بعقلهن واذا ماتبين ادشين المطبخ مب غصب

بس هو مايحس انا اضااايق

شو اسوي ؟؟

الوسوم:

6 أفكار بشأن “رمضان والمطبخ ؟؟”

  3. رحمة
    الرد

    امم عسب محد يقولج شي مب لازم تسوين كل شي… طبخي طبخه وحده بس وظهري مب ملزومه فيهم كلهم دامهم جيه

    وخلي البشاكير يجهزون الاكل ويقطعون كل شي وانتي عليج ادشين ساعه بالكثير تطبخين فيها وتظهرين

  4. فريال
    الرد

    ممكن صح اتكوني افضل منهم

    لكن في ناس يفهموك غلط… بيعتقدوا ان هذا واجبك مفروض عليك..

    جربي يوم كسري روتينك معاهم وامشي لبيت اهلك مثلا.. وشوفيهم كيف يتصرفوا؟؟؟ وبعدين قرري

    وماتنسيش ان لنفسك عليك حق

    واللي يعز نفسه.. يعزها الله..

  6. ليلى
    الرد

    بنات القهر ان اخت ريلي المتزوجه اتي تعزل لريلها من كل اصناف الاكل لأن حضرته مايكون موجود وتشل له الاكل لبيتهم ،،

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.