تخطى إلى المحتوى
الرئيسية » ربعن تشاوروا ما انذلووو لا تبخلون عليه بالنصيحه

ربعن تشاوروا ما انذلووو لا تبخلون عليه بالنصيحه

بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم

السلام عليكم ورحمه الله

اشحالكم خواتي الغاليات ..

اشحال الكروشات ..

خواتي انا الحمد الله حامل .. وبربي على اخر شهر 10 .. والله يتمم حملي على خير

ريلي عرض عليه اني اكمل دراسه فجامعه جريبه من بيتنا بحكم انه هو يروح ابوظبي ويرجع في الويكند .. وانا طول الوقت اقعد ملانه .. مع اني ايلس مع عمتي وحمتي الصغيره بس صج ملل ..

فانا بصراحه من الطموحين .. ووايد ايلس افكر واقول خاطري اسوي شي بحياتي بس الشي اللي متردده عشانه الحينه اهو البيبي .. للعلم هذا البكر والله يرزق كل بنت ان شاء الله

اخاف اقبل عقب ما اقدر اكمل الكورس … او ااني ما اقدر اساوي بين الاثنين بين تربيه الطفل والدراسه ..

وفي نفس الوقت اشوف العرض ما يتفوت الصراحه ..

للعلم اخر موعد للتسجيل الاسبوع الياي 17 ..

فشو رايكن بنات ..

نصايحكن خواتي ..

الوسوم:

6 أفكار بشأن “ربعن تشاوروا ما انذلووو لا تبخلون عليه بالنصيحه”

  1. نور
    الرد

    لو تأجلين الكورس اختي لان تقريبا ولادتج بتكون على امتحانات المنتصف لو تقدرين توفقين بين الدراسة واول بيبي هذا شي ثاني .. اما لو بديتي الكورس الثاني فبيكون عمر البيبي تقريبا 3 شهور وقدرتي تقريبا تتأقلمين معاه من حيث الرضاعة والنوم……… هذا رايي وانتي ادرى بظروفج ومصلحتج انتي والبيبي……… الله يوفقج

  2. chicha
    الرد


    أنا احـــس اشوي صعبه بس الشغل بعد بتقولين هاه عادي … بتسيرين وشغلج يخلص في الدوام وتردين تتفرغين حق البيبي … بس الجامعه مذاكره وامتحانات … انا اعرف وحده حليلها في الاربعين كانت وامتحنت وماسمحولها اتاجل الامتحانات وبعد مايعذرونج ولا يعطونج اجازات شرات الدوامات ..ولا ساعات رضاعه اضن والمصيبه اذا لين العصر.. فانتي استخيري … بس اذا حصلتي حد ييلس مع البيبي … ويهتم فيه وانتي مو موجوده تقدرين تسيرين وماتحاتين… واحس بعد اذا اخرتي وماسجلتي بتروح عليج سنه …. واذا اخرتي وماسرتي بس اهتمامج بيكون في البيبي وبتنشغلين وبتنسين الدراسة ..انتي تحسين شو يناسبج بعدين كيف بتكون الامور سهلة يوم بتسيرين تدرسين ولا صعبه …. شوفي واهم شي استخيري …………….. والله يوفقج ان شاء الله حبيبتي ويتمم حملج على خير ان شاء الله

  3. نازك
    الرد

    الافضل انج تتأقلمين مع وجود طفل في حياتج.. وبعد ما ترتبين نومه واكله سجلي في الجامعه وتوكلي على الله. ابرك عن انج تربين وانتي ف نص الكورس وتعافين التعب والسهر والدراسه

    الله يقومج بالسلامه ان شاء الله

  4. madiha
    الرد

    الصراحة استوى وياية نفس الشي بس طبعا انا كنت ابا لاني كنت اشوفها فرصة ما تتفوت بس ريلي ما اقتنع بحكم اني حامل و بربي في شهر 9 ان شاء الله و هذا بجري في البداية واااااايد زعلت بس غلى فكرة ريلي مب رافض الفكرة يس هو خايف على البيبي و يحاتي اشيا واايد و خاصة انه اول ياهل و جيه .. بس الحمد لله اني اقتنعت اني بصبر ان شاء الله و عقب سنتين بالكثير ان شاء الله بكمل دراستييييييييييييييي…..

  5. chicha
    الرد

    شوفي انا مجربة
    كنت في الجامعة وربيت على اخر الكورس
    لا تسالين عن الثقل والتعب حتى يلسة الكرسي متعبة
    والمسافات بين الكلاسات

    وفي الشهر التاسع الالام الظهر ولازم تخزنين رقاد عشان عقب

    وعقب الولادة والخياطة والبيبي اللي مايرقد في الليل

    انصحج لا تدرسين هالكورس والكورس اللي عقبه بيكون كبر شويه وتوكلي وادرسي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.