رابطه امهات مدرسة ابوظبي الاسترالية كيجي 2

السلام عليكم خواتي

وقريب تبتدي المدارس ونبتدي مسؤولية يديدة ان شاء الله

انا مسجله ولدي كيجي 2 في مدرسة ابوظبي الاسترالية ..

وبصراحه وايد احاتي ..

دوامهم 7-9 ..

يعني اول شي .. احاتي الوقت في رمضان عفسونا الناس كلها اجازات الا هم ..

غير جي ماحس فيهم اهتمام يعني ما يتصلون فينا يقولون لنا يالله اللبس وصل .. او ادفعوا او حتى متى الدوام نحن الي نراكض وراهم بالتيلفونات .. (مادري كل المدارس جي والا انا بس جي افكر لأنه اول ياهل )

ثالث شي واهم شي انفلونزا الخنازير .. يعني نسمع اخبار وايد انه ممكن الدراسه تتأجل وماعرف شو .. وهذيل شكلهم لا يأجلون ولا يسوون شي .. ومن هناك اهلي كله يقولون لي ولدج صغير وتو الناس عليه على الروضة (عمره 4 سنوات و 3 شهور) وانا ماشوفه صغيير احسن يتعلم ..

ومافي مجال تأجيل ولا شي دافعين اكثر من نص المبلغ خلاص ..

انتوا شو استعداداتكم.. شو بتسوون هل بتغيبون عيالكم والا كيف ؟؟

وياترى حد عنده فكره يعطون اليهال كتب البيت وياه والا لا ؟ يعني يحتاي شنطه ظهر واللا كيف ؟

ماعليه افكاري مخربطه .. واتمنى نعاون بعض .. وخلونا هني نذكر كل شي نعرفه عن الكيجي ودراستهم