راااح تعرف شعر بغاية الروعه

راح تعرف
راح تعرف أن حبي مع مرور الوقت صايب … راح تعرف في النهاية ما حد يعوض مكاني

راح يكشف لك زمانك من هو اللي كان طايب … ومن هو اللي لجل خله عاند ضروف الزماني

هذي الدنيا غــربيه .. صعب تلقى لك حبايب … قلتها لك مالبداية صعــب يوفي لك أناني

من يضيع وقت غيره ولا يضحي في الصعايب … كيف يثبت لك وجوده كيف تعطيه الأماني ؟

إختلاف الرأي يحصل كل شي وله سبايب … والمحبة درب واضح من عشق لازم يعاني

وطبعها لحباب تبقى عالوفا وقت النوايب … والمحب يصون خله ما رضى فيه الهواني

شفت عشرة غرامك يا هوى غيري عجايب … تنفعل لحظة وجودي وتغير في ثواني

إنت في طبعك مزاجي تعصف بقلبك هبايب … منشغل قصدك تلاقي من هو يعوض مكاني

للشاعر الاماراتي جمعه بن نايم الكعبي

ان شاء الله تكون قد نالت اعجابكم ولاتبخلون علينا بردودكم