د . عواطف البحر

حبيت بصراحة أنقل لكم تجربتي مع الدكتورة عواطف
و أدري إن الكلام الي بقوله بحقها شوية بس بحاول
اني أوفيها حقها لاني في لحظة شكيت بخبرتها
و أنا ندمانه وااااااااااااايد و هي للأمانة دكتورة شاطرة
وااااااااايد و عندها خبرة كبيرة في أطفال الأنابيب ومخلصة
في شغلها و انا شخصيا و الله يشهد سويت عندها عملية
ارجاع من دخلت غرفة الارجاع و هي مبتسمة و كأنج مع
ربيعتج المقربة في السوالف و كأنج مع أمج في حنانها
و خبرتها و مع اختج في وقفتها و دعواتها تحسين براحة
و تخوز عنج الرهبة و من تبتدي في الارجاع اتخبرج بكل
خطوة و شو يالسة تسوي و شو لازم تسوين و على فكرة
ايدها وايد خفيفة طبعا في تدخيل الحديدة الي اتوسع عنق
الرحم و بعد ما تخلص تبدأ تدعي لج و اتهديج و اطمنج
و على فكرة تعطيج دافع و قوة تستغربين كيف نقلتها لج
و تستأذنج في كل شي و حريصة وااااااااااايد وااااااااايد
على راااااااااااااااحتج الله يحميها و يحفظها والله اني ولهت
عليها مثل ما أوله على ربيعاتي من كثر أخلاقها العالية مع
مريضاتها … و أنا من نقلت ملفي عندها و أنا أجمع معلومات
اطمني اني اتعالج عند دكتورة شاطرة و الحمد لله الكل يشكر
فيها و بخبرتها و سمعت عن حالات عقم عالجتها و تعتبر
من أصعب حالات العقم حتى ممكن يعتبرونها طبيا معجزة
طبية .. بصرااااااااااحة مركز دبي محظوظ فيها و نحن
محظوظات فيها ذوق و أخلاق و خبرة شو نبى أكثرعن جذه .

و الله اني ما أبالغ في أي شي قلته
و أتمنى إني استمرمعاها على طول
و مستحيل في يوم أفكرأغيرها حتى لو
لاسمح الله افشلت العملية
و الله يخليها و يحفظها لبنات المسلمين
و حريمهم
اللهم آآآآآآآآآآآآآآآآآآآآآآآآآآآآآآآآآمين