تخطى إلى المحتوى
الرئيسية » دخيلكن لي سافرت وياه عياله الصغار تعطيني من خبرتها

دخيلكن لي سافرت وياه عياله الصغار تعطيني من خبرتها

بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم

السلام عليكم .. حبوبات بصراحه أنا وايد قاعده افكره ان شاء الله انيي مسافر عقب العيد سويسرا وبشيل وياي عيالي الله يحفظهم واحد عمره 2 ونص وثاني 7 شهور مب فاهمه كيف بتصرف وياهم هناك مثل مأ تعرفون العيال في اي وقت يمكن يزقون وانتو بكرامه..< وبعد الاكل لي عمره 2 وايد يعذبني في الاكل كيف لو سافرت شو اسوي و ياه
وصغيرون يرضع مني وما يأخذ غرشه.. وانا بديت اكل في البيت اسويله جزر وكوس وبطاط و طحنهم ويا بعض هناك كيف اقدر اسويله وانا ما احب الاكل المعلب

وياريت تعطوني الاغراض المهم لياهل في السفر ولكم مني جزيل الشكر

الوسوم:

6 أفكار بشأن “دخيلكن لي سافرت وياه عياله الصغار تعطيني من خبرتها”

  2. imilla
    الرد

    بصراحه صعبه السفر مع اليهال
    الولد سنتين ونص ماشاء الله بياكل معاكم وين ماتروحون
    وبعد اللي سبع شهور
    تقدرين تأخذ ين لها عيش ابيض وروب او صالون شي بدون سبا يسي
    هناك وايد بتلاقين جمعيات فكل مكان خذي لهم الشي البسيط
    واذا حاجزه الفندق فيه مطبخ بيكون وايد سهل
    سويلهم الأكل وخليه في ملال فيهن غطي

  3. amira
    الرد

    خليلج شنطه خاصه للمطبخ. يعني خلي فيها جدر صغير وخلاط نفس مال الشوربه لانه سهل الحمل والاستخدام وشلي وياج شوية عيش ع شويه ملح وجزر وبطاط وكوسا. هالاشياء من توصلين حطيهن في الثلاجه وتاخذلها كمن يوم ماتخترب لين تحصلين سوبر ماركت تاخذين اغراضج منه. وسوي اكل عيالج قبل لاتطلعين عشان لو ياعوا تأكلينهم. وخلي وياج بسكوت وحلويات لتصبير الجوع. وجان البامبرز المناديل خليهن احتياط ان ماحصلتي حمام تبدلين وخذيلج مال الرضاعه بتحصلينها في بيبي شوب تلبسينها وتغطين صدرج ورضعي ولدج وانتي مرتاحه.

  4. حياة
    الرد

    أنا أحس واااايد صعب شل اليهال السفر صراحة أنا بسافر بشل بنتي اللي عمرها 3 سنوات ونص و ولدي اللي عمره 2 و 9 شهور بخليه عند أمي .. أصلا اليهال واااايد يلعوزون في السفر وخاصة عمر عيالج صغاااااار أحس ما بيتحملون التلعويز .. اليهال مكانهم البيت السفر وايد صعب عليهم أنتي روحج بتتلعوزين وما بتتهنين في السفرة و هذا رايي من خبرتي …

  6. وفاء
    الرد

    مثل ما نصحوج الخوات حق الصغيروني شيليله اكل جاهز مثل سريلاك واعتقد تقدرين تعطينه روب وعطيه فواكه هناك أكيد شي
    بس لان اعمار عيالج متقاربة واثنينهم صغار شوي بيكون صعب حقج
    بس اذا سهلتيها بتتسهل بإذن الله

    انا سافرت مرة مع بنتي عمرها سنة ونص اسبوع ما كلت عدل كله حليب كنت أعطيها وفواكه وبطاط كانت تأكل
    وكنت اغير لها البامبرز كل 4 ساعات احيانا كنت ابدلها وانا في الباص(باص خاص) ومشينا الأمور واستانستا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.