بسم الله الرحمن الرحيم
لاحظت في الآونه الاخيره اغلب الاخوات يسألن عن الاعشاب والبهارات في فترة النفاس اللي تنظف البطن
انا يبتلكم الخلطه اللي اسويها في فترة النفاس
وهي عبارة عن الحبة الحمراء واغلبكم يعرفها
كاس حبة الحمراء تنظفينها وتودنينها في 7 كاسات ماي و3 فناجين سكر لين يصير شكلها امدور وشفاف اشوي
ونخليها
اتحطين في الجدر طحين مقدار فنجان او فنجانين حسب الرغبة اذا تبينها غليظه وتحمرينه لين يصير بني تضيفين السمن عليه مقدار فنجانين او 3 فناجين على حسب الطحين اذا الطحين فنجان يكون السمن فنجانين اذا فنجانين طحين يكون 3 فناجين سمن
وتصبين ماي الحبه الحمراء في الجدر وتخلطينه مع الطحين لين يصير مثل الشوربة الخفيفه
وتضيفين البهارات اللي هي عبارة عن ملعقة شاي كل من:
قرص القمر (مطحون)
فلفل اسود مطحون
زنجبيل مطحون
كمون مطحون
كركم كطحون
هيل مطحون
جرفه مطحونه
ونص ملعقة شاي زعفران
بالنسبة للسمن
ما انصح باستخدام السمن اللي ينباع في الجمعيات الاخضر يفضل استخدام من اجود الانواع ونظيف اللي يكون مصنوع في البيوت في كراز ايي واللي ما عندهم حد يسوييه تقدر تستخدم الدهن اللي ينباع في الجمعيات بس اللي يكون في غراش مب الاخضر لان الاخضر ما ينفع
وتخلينه يطبخ لين يغلظ اشوي اذا حبيتيه غليظ او خفيف على راحتج واذا حبيتي حلو تزيدينه سكر
واذا حبيتيه يكون مثل الخبيصه تخلينه يطبخ لين يتبخر الماي ويستوي مثل العجينه
والخبيصه طريقة يديده ومبتكره حلو تقدمينها لزوارج اللي ايوونج في ولادتج
والسموحه عالقصور
بسم الله الرحمن الرحيم
لاحظت في الآونه الاخيره اغلب الاخوات يسألن عن الاعشاب والبهارات في فترة النفاس اللي تنظف البطن
انا يبتلكم الخلطه اللي اسويها في فترة النفاس
وهي عبارة عن الحبة الحمراء واغلبكم يعرفها
كاس حبة الحمراء تنظفينها وتودنينها في 7 كاسات ماي و3 فناجين سكر لين يصير شكلها امدور وشفاف اشوي
ونخليها
اتحطين في الجدر طحين مقدار فنجان او فنجانين حسب الرغبة اذا تبينها غليظه وتحمرينه لين يصير بني تضيفين السمن عليه مقدار فنجانين او 3 فناجين على حسب الطحين اذا الطحين فنجان يكون السمن فنجانين اذا فنجانين طحين يكون 3 فناجين سمن
وتصبين ماي الحبه الحمراء في الجدر وتخلطينه مع الطحين لين يصير مثل الشوربة الخفيفه
وتضيفين البهارات اللي هي عبارة عن ملعقة شاي كل من:
قرص القمر (مطحون)
فلفل اسود مطحون
زنجبيل مطحون
كمون مطحون
كركم كطحون
هيل مطحون
جرفه مطحونه
ونص ملعقة شاي زعفران
بالنسبة للسمن
ما انصح باستخدام السمن اللي ينباع في الجمعيات الاخضر يفضل استخدام من اجود الانواع ونظيف اللي يكون مصنوع في البيوت في كراز ايي واللي ما عندهم حد يسوييه تقدر تستخدم الدهن اللي ينباع في الجمعيات بس اللي يكون في غراش مب الاخضر لان الاخضر ما ينفع
وتخلينه يطبخ لين يغلظ اشوي اذا حبيتيه غليظ او خفيف على راحتج واذا حبيتي حلو تزيدينه سكر
واذا حبيتيه يكون مثل الخبيصه تخلينه يطبخ لين يتبخر الماي ويستوي مثل العجينه
والخبيصه طريقة يديده ومبتكره حلو تقدمينها لزوارج اللي ايوونج في ولادتج
والسموحه عالقصور
