[خايفه على ربيعتــي والله] .

وحده من ربيعاتي الله يستر علي وعليها يا رب …
دايما تطلع المولات اطلع شعرها وتمشي وترصص على نفسها بالعباه
اتخيلو حتى يوم أكون وياها في المول الشباب يسلمون عليها ويقولون لها اشحالج فلانه
ما ادري كيف انصحها والله
اتخيلو مره كنت معاها في القريه العالميه واحد طرش لها مسج يقوللها عرفتج من ظهرج
ومرات تقعد في المول يطرشون لها مسجات ثاني يوم ان ربعهم شافوها وخبروها
وانا خايفه عليها لانها صغيره وخاطري انصحها …

شو اتصرف شو اسوي … ؟

هيه وايد دلوعه يعني ما تسمع الرمسه حتى ساعات تظهر مع شباب وانا اتم خايفه عليها واصيح
وادعي الله ان يستر عليها ويعدي هاليوم على خير
والله أدعي لها من قلبي الله يحفظها
وما أقدر أقول شي حق أهلها أخاف تطلع رمسات وايد وعقب تستوي مشاكل

شو أسوي ما ادري ؟؟؟

وساعات تقول لي انها تسهر في ام القيوين في الشاليهات وعلى ما اعتقد انها تشرب …
اخاف ابوها وامها يعرفون والله أخاف عليهم من الصدمه لانهم وايد يثقون فيها …
لاني انا انسانه أصلي وأخاف الله