خاص للي سافروا سغفورا و ماليزيا واللي بيسافرون

الغالية انا عشت في سنغافورا سنة

اول شي اختي سفرة موفقة يا رب

انا بكتبلج اهم الاشياء
مبنى PARK VIEW SQUIR هالمبنى وايد روعة ولونه على اللون البني او اللحمي الدور التاسع في هالمبنى مكتب سفارة الامارات الدور والطابق 11 مكتب طيران الامارات

المساجد : مسجد فلاح ( في الاورشيد رود مقابل موقف التاكسي لمركز باراجون شكله ما يوحي انه مسجد بس بتشوفين لافته )
مسجد سلطان ( في شارع العرب )
مسجد باعلوي
مسجد الروضة وهذا مثل مسجد +معهد اسلامي ) موجود في منطقة الجورنج

السناتر

مركز تاكاشيميا : موجود في الاورشيد رود وهو عبارة عن مبنايين نفس الشكل واحد اسمه قريب من النينجا والي يضم كل محلات الماركات والمجوهرات والمبنى الثاني مبنى التاكشيمايا ومحلاته نفس هارفي نكلس وغيره)
مركز باراجون : مقابل مركز تاكشيميا بعد فيه محلاات ماركات مش موجودة في التاكا ومحلات اخرى.
مركز سنتر بوينت : في الاورشيد
مركز OG : موجود في 3 اماكن في الاورشيد رود و شينا تاون و بوقيز .
مركز SINGAPORA PLAZA : اخر الاورشيد رود وبجنبه قصر الحاكم و فيه محلات كارفور.
LUKY PLAZA : شارع الاورشيد ( وكل البضايع الصينية والتيلفونات الغريبة فيه ).

غاليريا : مركز احمر هو سنتر وفندق خاص لملك بروناي موجود في الشارع القريب من الاورشيد ( مقابل فندق ماريوت وحياة)
محلات دافينشي : موجود في شارع الفار ايست بلازا في فندق ماريوت ويبيعون سوع ومجوهرات عجيبة.
GREAT WORLD CITY بعد قريب منكم
سنتر تايمز سكوير : موجود في شارع المولمين رود او نيوتن المهم هالمركز فيه محل يبيع شنط تقليد و فيه محل يبيع جواتي الله يعزج للاطفال وايد روعة
محلات سفن 11 موجودة في كل سنغافورا بين شارع وشارع وبيت وعمارة مفتوح 24 ساعة
وايد سناتر مااقدر اذكرهم لج بروحج بتسيرين وبتشوفين.

المستشفيات
مستشفى ماونت اليزابيت : شارع الاورشيد خلف مركز باراجون
مستشفى تان توك سنغ TTSH وفيه عيادة جون هوبكينز موجود في المولمين رود ( مولمين رايس )
مستشفى KKH او كي كي هوسبيتال : نفس مستشفى الوصل للاطفال والامهات بس وايد روعة .
وطبعا الله لا يقول ورحتي المستشفى بس اذا دخلتي مستشفاهم كأنج رايحة مول .
مستشفى الجامعة NUH ناشيونال يونيفيرستي هوسبيتال .

الحدائق

NIGHT SAFARI
BIRD PARK
حديقة السلاحف
وجزيرة سانتوسا وهي يبالها يوم كامل بس عشان تلفين فيها اما بالاص او التلفريك تدخلينها وفيها
العالم المائي و عالم الحشرات والفراشات والاسماك وفيها مثل الجسر يربطج بجزيرة وايد صغيرة وهذي اخر نقطة لشرق اسيا. وفيها فندق شنغريلا اذا حبيتي تمين فترة .

المطاعم : شارع العرب فيها وايد مطاعم عربية وهندية واكلاتهم حلوة
ماكدونالدز وكنتاكي وبرجر كنغ لامسلمين هناك ياكلون منها لانهم ايبون اللحوم من ماليزيا 0 ذبح اسلامي )
مخبز BREAD TALK هذا مش حلال يستخدمون الكحول في مخبزاتهم
صب واي مش حلال لحومهم ماعدا التونة

التنقلات خلوها عن طريق التكاسي اوفر لكم واريح وخذوا رقم شركة لاتاكسي المكتوبة على كا تاكسي واذا حبيتوا تروحون مكان بس دقوا وعطوهم اسمكم ورقمكم وتخبرونهم عن مكانكم والجهة الي تبون تروحولها وخلاص وكل مرة تتصلون راح يطلع لهم الاسم والرقم .

ان شاءالله فدتج اختي وسلمي على سنغافورا