+ ( خاص جدا : لبنات رأس الخيمة . تشكرات تشكرات )+

السلام عليكم ………….. و عدنا بحفظ الله و رعايته الى قواعدنا سالمين

رجعت من رأس الخيمة …. و الحين انا في ربوع مدينتيه ( العين )

بصراحة حابة اشكر كل بنات راس الخيمة بدون استثناء …. و كل بنت ردت ع موضوعيه بخصوص المحلات الكبيرة اللي برأس الخيمة …

و أخص بالشكر كل من :

مهره العام
الغزالة
شوق الغلا
anglsky
هنودة1985

uaeeyes99
GLA RAK
قوافي
الحب الاول
لحظة ضعف
قطعة ثلج

بصراحة الكل ما قصر … و الاهل استانسوا بالرحلة …

رحلتي :

بخبركم عن رحلتنا باختصار … طلعنا من العين يوم الخميس ( أمس ) الساعة 3 العصر و طبعا خذنا طريج الشويب ( يقولون أسرع للوصول للراس الخيمة ) المهم وصلنا عالساعة 5:30 تقريبا راك … و من بعدها قعدنا ساعة الا ربع ندور عالفندق اللي حجزنا فيه ؟؟؟ خخخخخخخ بعد مشوار طويل حصلنا الفندق …. و بصراحة كان ترتوووب و مريح جدا …. و عالساعة 8:30 المساء طلعنا ع عرس (( مممم نحن كنا معزومين ع عرس ناس برأس الخيمة )) و خلصنا من العرس ع الساعة 12:30 المساء … وسرنا الفندق … بصراحة كنا خلاااااااااص تعبانين ؟؟ و فديتهم اليهال رقدوا سرعة من التعب … و نحن البنات و الحريم قعدنا نرمس عن العرس ( من القاعة الى المعازيم الى العروس ) خخخخخخخخ حش حريم ؟؟؟ لووول ؟؟ ما خلينا شيء ما قلناه … اما الشباب و الرياييل نزلوا المسبح … تخيلوا ؟؟؟ ع الساعة 1 نص الليل ؟؟؟ هم يسبحون ؟؟؟ لوول

و طبعا نشينا الصبح ع الساعة 10:30 الصبح … و حصلنا الريوق زاهب … واحد من عمومتيه ما قصر و نش الصبح بدري و ياب لنا اريوووق … يمي يمي

و من بعدها طلعوا الشباب يصلون صلاة الجمعة اليوم و نحن انلبس اليهال و نلبس و ظهرنا من بعدها ع الساعة 2 الظهر ع مطعم اسمه القيصر … و تغدينا
هناك .. و من بعدها طرنا ع مركز المنار (( حواطة + مشتري )) و من بعدها سسرنا الشارع الكويتي ( اعتقد انه اسمه صح ) بصراحة ما خلينا محل ما دشيناه ؟؟؟؟ و نحن الا نتشراه ( بصراحة الاسعار ارخص بوايد من العين ) ؟؟؟ صج انه تجارنا حرامية ؟؟؟؟؟؟؟؟

و من بعدها طفنا ع البيتزا اللي حذال الكنتاكي … و خذنا لنا بيتزا … وكلناها بالسيارات …. و مسكنا الخط الى العين ……… بصراحة الجو كان جناااااااان … و صاحوا علينا اليهال يبون يركبون دراجات (^_^) و نحن بطريجنا للعين … حصلنا وايد عائلات على عراقيب الرملة .. و حصلنا واحد يأجر دراجات ؟؟؟ جان نوقف عنده …. و نزلوا العيال …. و ع الساعة 6:30 المغرب مسكنا الخط ثاني مرة … ووصلنا ع البيت عالساعة 8:30 …بس بصراحة واااااااايد استانسنا … و اهالي راك ما قصروا … وواحد من شياب راس الخيمة بعد ما عرف انه نحن من العين … حلف علينا الا نتعشى معاااااه ؟؟؟ بس الاهل اعتذروا له … ووعدوه بزيارة ثانية … و خصيصا له … بصراحة كان انسان راعي واجب …. و مذاااهب ( ربي يطول بعمره )

—————————–

بصراحة ما كنت متوقعة انها راك جذه … شيء مرتب ؟؟؟ و رغم التعديلات اللي بالشوارع … الا انه الامور كانت ميسرة و لله الحمد

————————————————-

و سامحونا ع الاطالة … بس انا كتبت هالموضوع … بس علشان اشكر بنات و شباب و شواب راك ع الخدمات اللي قدموها لنا …. و تشكرااااااااااااااات

————————-

و انا بدوري أدعوكم لزيارة مدينة الخضرة و الجمال … مدينة العين

و السموحة من الجميع