خآص للمستجدآت 2024 في جآمعـة الإمارات

السلام عليكم و رحمــة الله و بركآته ..

شحآلكــم خوآتي ؟

عسآكــن طيبآت ..

عزيزآتي مستجـدآت جآمعـة الإمآرآت ( خآصـة بنات السكـن ) .. أكيد الحين عندكم وآآآيد أسئلة
عن الحيآة السكنية + مسلتزمآت الجآمعـة و السكـن و شو انييب و شو ما انييب و الخ ..!

فـ / اليوم أختكم [ أتعبنـي غلاهـ ] بتحط لكم موضوع عن أهم المستلزمآت الي بتحتآجونها
و مآبي منكم خوآتي غير دعـوة حلوة منكم بالتوفيق ..

نبـدأ ويـآ بنات السكـن ..

أولا : مستلزمآت الحمام ( أكرمكم الله )

شآمبو + صآبون إستحمام + صآبون سائل لليد + ليفة نآعمة ههه + نعال حمام (زنوبة)
فوطة كبيرة + فوطة صغيرة + أغراض النظآفـة الشخصية ( أكيد فهمتوني ^_^ ) ..
+ كيسة صغيرة هاي الي تنباع بالمكاتب لأنها وااايد بتفيدكم و بقولكم ليش ؟
راح اتحطون فيها ملابسكم الي راح تلبسونها بعد السبوح و تعلقونها وياكم ف الحمام فأعتقد
إنها راح تسهل عليكم وااااايد ..

ثآنيـآ : الملـآبس ..

( الي تحبينه بس ممنوع الكت و لو عندج شي كت لازم تلبسين فوقه جاكيت و بيطلع أحلى ^_^ )

بيجآمآت + بناطلين + جنزات + تيشرتات + جلابيات + برمودآت + ملابس داخلية + الخـ !!

ثآلثـآ :النعـول و إنتو بكرامـة ..

سلبرات للغرفة و السكن + سطآحي + كعب
و نصيحتي لا تكثرين من الكعب لأن الجآمعــة كلها مراكض + تراب و الكعب بيتعبج
لكن السطآحي خفيف و نآعم و مريح أكثر .. ( 3 أو 2 نعال يكفي ماله داعي المخاسير ) ..

رآبعـآ : العبآيآت ..

3 أو 4 عبي تكفــي !! أو حتى أقـل عادي .. لأنج ما راح تلبسينهم دووم أكيد بتفصلين غيرهم عقب !
استايل العباية يا حبيباتي خلوه سمبل و عملي .. ترا العباية المشغولة ما تنفع حق الجآمعـة ..
لأن الجآمعة مثل ما قلت لكم كلها مراكض و تراب فـ / حرام تخيسين عبآتج هههه
يعني اتكون العباية سآدة أو مشغولة شغل بسييييط عسب ما يعبل عليج و يعطل شغلج ..
و الشيلة إلبسي ع كيف كيفج و خلج ذويقة بالشيل ^_^ لأن العباية سآدة فبيناسبها أي شيلة !!

خآمسـآ : الممنوعات ..

الكت ممنوع + الملابس الي فوق الركبة ممنوعة + الناطلين فوق الركبة ممنوع ..
( البويلر ممنوع + الكواية ممنوع + التوستر ممنوع ) لو بغيتي تستعملين هالأشياء
إستعملي البويلر بالمطبخ و الكوآية في الجنآح .. لأنه ممنوع بالغرف لأن كهربها ما يتحمل ..

سآدسـآ: أشيـآء مهمة ..

المصحف + سجآدة الصلاة ( في مصلى في السكن بس مب الكل يروح لأننا أحيانا انكون مشغولين فـ نصلي بالغرفة ) + بدلة الصلاة + الأذكآر + كريمآت للوجه ( أساس + كريم مرطب ) + بودرة و شغلات الميك آب حق الي تحب الكشخة + سشوآر + قبآضآت + مشط + كريمآت و زيوت للشعر +
أكل ( أندومي + ماي + كورن فلكس + جبن + نسكافيه .. الخ ) إخذي أي شي تبينه وياج ^_^
الكفـر + شرشف السرير + مخدة + مناديل ديتول + معقم للإيد + فآزلين + مرطب للإيد وغيرهـ ..

طبعـآ بنات السكن ملابسكم الي تلبسونها بتم وياكم فـ / يا حبذا تشيلون وياكم كيس كبير مرن ( يبيعونه بالمكاتب ) اتحطون فيه ملابسكم الوسخة كلها ع آخر الأسبوع و اتحطونه بالجنطة العودة ..
و إتحملو تجيس الماي ملابسكم عسب الريييييييييييييييحة !!!!

سآبعــآ :

لابتوب ( بدون كآم و لو فيه كآم عاااادي بس تروحين تعطلين الكآم فأي محل و اتيبين تصريح بأن الكام معطلة و تعطينه للمدآم في السكن ^_^ ) + موبايل بدون كآم ( هو معرووف واااايد و كل بنات
الجآمعـة يستعملونه إسمـه E51 سهـل و صغيرون .. )

نصيحــة :

خلكــم ويآ ربعكم الي تعرفونهم و لو رابعتي .. رابعني بنات ع أساس أخلاقهم مب مظهرهن ..
إتجنبو أي شي يخالف القوانين من خلال الكلام الي قلته فوق عن كل شي ممنوع عسب
تضمنون هالناحية السكنية الهادئة و تركزون ع دراستكم و اتييبون الإمتياز بإذن الله ..

و لو عندكم أي سؤآل ترآني حآضرة عزيزآتي ..

سبحآنك اللهم و بحمــدك أشهـد أن لا إلــه إلـآ أنت أستغفرك وأتوب إليــك ..