تخطى إلى المحتوى
الرئيسية » حميتي الصغيره و ؟؟

حميتي الصغيره و ؟؟

بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم

السلام عليكم ..

شحالكن حبوبات ..؟؟

مابطول عليكن .. وبقولكن السالفه بإختصار ..

انا معرسه .. وعند ريلي كذا اخو .. وبنت وحده .. طبعا البنت اصغر حد ف البيت .. والوحيده .. فمدلعينها وايد سواء من امها او ابوها او حتى اخوانها .. وحتى مني انا.. لانه ما شاء الله عليها عسل ( الله يحفظها )

بس صارت مشكلة .. انه المفروض تروح المدرسه .. وبالفعل سجلتها امها في روضة خاصة وحطوها كيجي 2 .. والحين من اسبوع كامل وهي مب مدوامه .. ومش راضيه تروح المدرسه ابدا .. مع انه مافي اي شي يضايقها .. وبالعكس مهتمين فيها اخر اهتمام … وحاولنا بكل الطرق بس ما شي فايده ..

واليوم امها راحت معها الروضه ويلست طول الدوام تترياها .. عسب اتكون مطمنه .. بس شو المشكله ,.

انه اذا امي او انا ما رحنا معاها هي ما تبا اداوم .. وللأسف الاداره ما سمحت لنا انه انظل معها طول اليوم ..

فساعدوني خواتي .. حد مر ف هالموقف .. وشو الحل ..؟؟

يزاكن الله الف خير ..

الوسوم:

6 أفكار بشأن “حميتي الصغيره و ؟؟”

  1. كنزة
    الرد

    فديتها الله يحفظها ..

    انا اختي الصغيره صف ثاني ابتدائي ،، وماشاء الله عليها لين الحين اتيها هفات ما تبغي اتسير المدرسه واتصيح وتسوي مناحه هناك ،،

    اليهال يبون لهم شوية صبر وطولة بال .. ماعندي خبره حبوبه بعدها بنوتي صغيره والا كنت بفيدج

    ان شاء الله تقدرون تحلون مشكلتها ،، بس يبيلها صبر وطولة بال ،، ومثل ما قلتي البنت مدلعه يعني شوي بتتعبون وياها ..

  2. أمال
    الرد

    والله بعدني ما جربت هالمواقف وان شاء الله ما اجرب يوم حزت الحزة
    والله يعينكم .. والصغارية فعلا يبالهم صبر وان شاء الله مع الايام يتعودون

  3. رحمة
    الرد

    هلا حبيبتي
    انا ولدي نفس الشي بس قالولي في المدرسة لااتيبينها انتي يعني ابوها ولا ايحد غير عشان جي انا حطيتله دريولية اتسير الخدامة اوياه واتنزله والمدرسة ما ترضى حد يدخل داخل بس عند البوابه وياخذون اليهال والحين الحمدالله خلاص مجبور يدخل .

  4. madiha
    الرد

    عزيزتي ونة اشعاري .. صبر اكثر عن جيه …!!! ما اقدر هههههههههههه

    والله حاولت فيها .. تدرين لدرجة اني خذت لها هدية وعطيتها المس مالتها .. وراحت المدرسه بس عسب تشوف الهديه .. وعقبها يلست ف البيت ..خخخخخخخخخ
    احس لانها مدلعه .. مكبره راسها علينا ..

    مشكوره فديتج .. واسعدنى مرورج غلاي

  6. رحمة
    الرد

    ^^

    ^^

    عااد دلووعة لاازم تحااولوون ويااهااا بكذا طريقة وتتحملوونها وأحين مب واايد مشكلة لأنها فالرووضة بس عقب بتتلعوزوون لما تدش المدرسة لأن بيكوون صعب علييهاا الغياااب..

    ^^

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.