حملت بعد 7 سنوات …تجربتي للفايده
السلام عليكم ورحمة الله وبركاتهالحمدلله لك يارب …حملت بعد 7 سنوات من زواجي بعد ما تعالجت بأماكن كثيرة .. وسزيت عملية تلقيح صناعي مرتين ومانجحت رحت مستشفى توام فالعين وقلت خلني اجرب واتعالج عندهم والحمدلله النتيجه كانت حلوة بالرغم من اللي سمعته من بنات المنتدى وقررت اسوي اطفال انابيب لاول مرة ….فالبداية .. كنت انتظر موعد دورتي علشان ابتدي العلاج وكل شهر من ثانييوم من الدورة كان يصادف يوم الجمعة او السبت لمدة 3 شهور ..واستغربت من الموضوع وقلت يلا كل تأخيره فيها خيرها .. والحمدلله فيشهر 20/1/ صادف ثاني يوم من دورتي يوم من ايام الاسبوع العادية وبديت العلاج اول شي بديت مع الدكتورة نهلة وعطتني ابر تكبير بويضات لين ماوصلت البويضات لحجم مناسب 20 و22 وعطووني ابرة تفجيرية وحددو موعد عملية السحب بتاريخ 2/2/وسحبوا عني 14 بويضة ما شاء الله ولله الحمد ….عملية السحب والترجيع الدكتورة فتحية سووتهم لي وصج فنانه وتعاملها قمة فالاخلاق وارتحت لها الحمدلله ولقحوا لي 7 بويضات و7 مجمدين .وموعد الترجيع كان بعد 3 ايام تقريبا من موعد السحب 6/2/والحمدلله اتلحقوا 6 بويضات ونوعيتهم ممتازة من ال7 ( عملية السحب الصراحه ماحسيييت بأي الم مووول يعني مب كل اللي قريت صح انها عملية مؤلمة وتعور والله انه يمكن اخف عن الم الدورة بوايد )( فالترجيع حسيت بالم مثل الم الدورة واكثر شوي بس الدكتورة فتحية قالت لي رخي عمرج واتنفسي بطئ وخف الالم شوي ولله الحمدلله )والحمدلله عدت العملية على خير ..وعطوني موعد لفحص الحمل وكان تاريخ 20/2/و اول شي قلت خلني اسوي فحص بول فالبيت واشوف النتيجه واشتريت فحص حمل عادي وسويت التحليل واول شي طلع لي خط والخط الثاني كان خفيف الصراحه احترت قلت بنتظر يومين واعيد التحليل وسويت تحليل بول للمرة 2 وطلع لي خطين واحد خفيف والثاني غليظ.وقلت خلاص خلني اسوي تحليل ددم ورحت العيادة وسويت تحليل دم عادي وقالت مبروووك مدام انتي حامل انا تميت ساكته قلت حقها هاا اوكي .ورحت البيت وبشرت ريلي وقلت له طلع بالدم حمل ومسكين استانس ووااااايد ..وانا بعدني مب مصدقة ورحت المستشفى وسويت تحليل هرمون حمل وكانت النتيجه مرتفعه 3100وخلاص الحين صدقت وصحت من الفرح الحمدلله الله ماضيع تعبنا ولله الحمد والمفاجاه اكتشفت اني حامل بتوأم يالشهر الثاني ما شاء الله تبارك الرحمن الله رزقني باثنين بدال واحد وانا الحين بالشهر الرابع وان شاء الله الله يتمم حملي على خير يارب ويرزق كل محرومه يارب ..اتمنى انكم استفدتوا من تجربتي وصج بنات لاتفقدون الامل والله ان شاء الله بيرزقكم .
حملت بعد 7 سنوات …تجربتي للفايده
السلام عليكم ورحمة الله وبركاتهالحمدلله لك يارب …حملت بعد 7 سنوات من زواجي بعد ما تعالجت بأماكن كثيرة .. وسزيت عملية تلقيح صناعي مرتين ومانجحت رحت مستشفى توام فالعين وقلت خلني اجرب واتعالج عندهم والحمدلله النتيجه كانت حلوة بالرغم من اللي سمعته من بنات المنتدى وقررت اسوي اطفال انابيب لاول مرة ….فالبداية .. كنت انتظر موعد دورتي علشان ابتدي العلاج وكل شهر من ثانييوم من الدورة كان يصادف يوم الجمعة او السبت لمدة 3 شهور ..واستغربت من الموضوع وقلت يلا كل تأخيره فيها خيرها .. والحمدلله فيشهر 20/1/ صادف ثاني يوم من دورتي يوم من ايام الاسبوع العادية وبديت العلاج اول شي بديت مع الدكتورة نهلة وعطتني ابر تكبير بويضات لين ماوصلت البويضات لحجم مناسب 20 و22 وعطووني ابرة تفجيرية وحددو موعد عملية السحب بتاريخ 2/2/وسحبوا عني 14 بويضة ما شاء الله ولله الحمد ….عملية السحب والترجيع الدكتورة فتحية سووتهم لي وصج فنانه وتعاملها قمة فالاخلاق وارتحت لها الحمدلله ولقحوا لي 7 بويضات و7 مجمدين .وموعد الترجيع كان بعد 3 ايام تقريبا من موعد السحب 6/2/والحمدلله اتلحقوا 6 بويضات ونوعيتهم ممتازة من ال7 ( عملية السحب الصراحه ماحسيييت بأي الم مووول يعني مب كل اللي قريت صح انها عملية مؤلمة وتعور والله انه يمكن اخف عن الم الدورة بوايد )( فالترجيع حسيت بالم مثل الم الدورة واكثر شوي بس الدكتورة فتحية قالت لي رخي عمرج واتنفسي بطئ وخف الالم شوي ولله الحمدلله )والحمدلله عدت العملية على خير ..وعطوني موعد لفحص الحمل وكان تاريخ 20/2/و اول شي قلت خلني اسوي فحص بول فالبيت واشوف النتيجه واشتريت فحص حمل عادي وسويت التحليل واول شي طلع لي خط والخط الثاني كان خفيف الصراحه احترت قلت بنتظر يومين واعيد التحليل وسويت تحليل بول للمرة 2 وطلع لي خطين واحد خفيف والثاني غليظ.وقلت خلاص خلني اسوي تحليل ددم ورحت العيادة وسويت تحليل دم عادي وقالت مبروووك مدام انتي حامل انا تميت ساكته قلت حقها هاا اوكي .ورحت البيت وبشرت ريلي وقلت له طلع بالدم حمل ومسكين استانس ووااااايد ..وانا بعدني مب مصدقة ورحت المستشفى وسويت تحليل هرمون حمل وكانت النتيجه مرتفعه 3100وخلاص الحين صدقت وصحت من الفرح الحمدلله الله ماضيع تعبنا ولله الحمد والمفاجاه اكتشفت اني حامل بتوأم يالشهر الثاني ما شاء الله تبارك الرحمن الله رزقني باثنين بدال واحد وانا الحين بالشهر الرابع وان شاء الله الله يتمم حملي على خير يارب ويرزق كل محرومه يارب ..اتمنى انكم استفدتوا من تجربتي وصج بنات لاتفقدون الامل والله ان شاء الله بيرزقكم .
