حملة لمقاطعة الخدم وبلاويهن

والله اختي معاج حق في كل كلمه بس للاسف منو يسمعج
اذا الحين الحرمه ما تشتغل وعيالها عند الحخدامه تأكلهم وتشربهم وتسبحهم ومستويه و هي مستويه امهم
والام راقده والا تحوط من عزيمه الين عرس ولا تدري عن عيالها شي
وهالشي جفته يدام عيني ومب مألفه من عندي
الله يعين اختي الناس يدورون هالنعمه وناس عندهم النعمه ورافسينها

الخدم شر لا بد منه

أنا عن نفسي ما فيني على التنظيف و غسل الثياب و الكوي

الخادمات مهنتهن التنظيف و الترتيب و تغسيل الثياب و كويهن

و لازم ما يحتكن بالريايل … يوم يطلعون من البيت هي تدخل الحجرة و تنظف

أما رعاية الأطفال هذي مسؤولية الأم .. ما اعرف كيف يأمنن على عيالهن مع الخدامات!!!!!

أنا عن نفسي لو عرست و عندي عيال ما بشتغل .. أولادي أهم من الراتب .. و التربيه في هالزمن جدا جدا جدا صعبة فوق ما تتخيلون

أما مقاطعة الخدم بشكل كامل ما أئيّد الموضوع ..

أما ترك الطفل مع الخاده أنا ضد هالشي 100%

ولدي تربيه خادمه ؟؟؟؟ ليش إن شاء الله شو قاصرني ما اربيه ؟؟!

الخادمه بتربيه على الدين و لا الأخلاق و لا العادات الصحيحه ؟؟ سن الطفوله أهم مرحله في سن الإنسان فلازم الأم تعرف هالشي

و مثل ما قلت أنا وياج في موضوع أن الخادمات شر و لكن ممكن السيطرة عليه بالمراقبة و وضع الكاميرات و عدم ترك الأطفال معاهن و عدم ترك مجال للإحتكاك بين الخادمة و الرجل

أما عدم استقدامهن فأنا مب وياج الغاليه ^_^

و يزاج الله خير على خوفج على الأزواج و الشباب من الخادمات

عندي بعض الحلول ..

اول شي اللي تشتغل بس زوجها راتبه اوكي يعني مب محتاجه ,, تيلس في البيت ويا عيالها اذا كانوا صغار .. واذا ما عندها عيال صغار وكلهم يسيرون المدرسه بعد تيلس في البيت تشرف عالطبخ وأمور البيت وممكن تطلع لها ساعه ولا ساعتين للسوق ولا بيت امها بس.. يعني مب كل يوم.. لانه خروج ربه المنزل اليومي وبشكل متنظم هو اللي يخرب البشاكير و يخليهن يلعبن على كيفهن..

الخدامه نحتاجها .. خصوصا الثياب الحين واايد يبالهن غسيل وكوي .. والمواعين .. وتنظيف البيت.. يعني الخدامه نخليها لشغل البيت بسس..

أهم نقطه .. ابعدوا عن الأندونيسياااااااااااااااااااااااااااااااااات قدر الإمكان ساحرات وراعيات طبوب ورياييل.. الفلبينيات .. شوي اهون بس بعد ما دانيهن..

الهنديات اوكي بس في منهن يحبن يسون افلام هنديه ويا الهنود.. بس نادرا ما تشوفين هنديه حاطه عينها على راعي البيت ولا على الشباب اللي في البيت .. مب مثل الاندونيسيات والفلبينيات أكرهههننننننن اف اف ياكرهي لهن ..

السيلانيات فيهن شوي وصاخه بس اذا تميتي وراهن بينظفن.. وبيعتدل حالهن .. وارحم عن الاندونيسيات والفلبينيات..

ادري كلامي مافيه فايده للاستغناء عن الخادمات..

بس الواحد يعني يراقبهن شوي والحريم لازم ايلسن في بيوتهن ويشرفن على كل شي والامور بتمشي تماام.. بس اللي تعطي الخادمه الخيط والمخيط ..تعطيها العيال .. والطبخ.. والبيت.. والريل ..

اذا زوجها قال ابا جاهي.. ازقرت البشكاره.. ياااتي … ياااتي.. ولا ميري.. ميري.. سوي جاهي حق باباه ؟؟؟؟؟؟؟؟؟؟؟؟؟؟؟؟؟ وانتي شو مجسحه؟ قومي نشي وسوي جاهي حق ريلج و لا سوي سندويش حق عيالج للعشاء ولا معكرونه ما بيطيح نصج

هيه صح تذكرت.. وحده من اهم المشاكل اللي تخلينا نتكل عالخدم.. انه مخلين المطبخ خارجي وبرع البيت عسب يعني الريحه.. هالشي يخلينا نتعايز نسير المطبخ الخارجي نطبخ ونشرف عالطبخ..او حتى نشرف عالخدامات