حضانة في الشارجة في النوف او القراين!!

المشاركة الأصلية كتبت بواسطة ام ساروني

اقرب حضانة لهالمنطقة هي (حضانة الجامعة)
غالية بس يهتمون باليهال…تقدرين اتسيرين عندهم بيشرحون لج كل شي

في حظانة على شارع محمد بن زايد (شارع الإمارات سابقاً) في منطقة موافجة
ما اعرف عنها شي … بس ما شا الله وايد يسجلون فيها
الصبح اشوف اشكثر سيايير جدام الحضانة

المشكلة حضانة الجامعة سعرها 24 الف بالسنة… يعني وااااااااااااااايد على بيبي توه مولود.. يعني لو بيتعلم شي بعد سنة او سنتين ممكن… بالنسبة للحضانة اللي تقصدينها على شارع الامارات عرفتها .. اشوفها الصبح وانا رايحة الدوام.. بس المشكلة بتييني على يساري يعني لازم اتجدم لين الجسر واخذ اليوتيرن وارجع وبعد عقب ارجع مرة ثانية على الشارع الثاني وانا اصلا دوامي يبعد عن البيت نص ساعة وهالحركة بتضيف لي نص ساعة ثانية… يعني التوتال ساعة كاملة بالدرب.. ما اقدر .. ابا شي جريب من البيت اسهل لي واسرع

ومشكورة فديتج على الرد

المشاركة الأصلية كتبت بواسطة عنقاشة كاشخة

المشكلة حضانة الجامعة سعرها 24 الف بالسنة… يعني وااااااااااااااايد على بيبي توه مولود.. يعني لو بيتعلم شي بعد سنة او سنتين ممكن… بالنسبة للحضانة اللي تقصدينها على شارع الامارات عرفتها .. اشوفها الصبح وانا رايحة الدوام.. بس المشكلة بتييني على يساري يعني لازم اتجدم لين الجسر واخذ اليوتيرن وارجع وبعد عقب ارجع مرة ثانية على الشارع الثاني وانا اصلا دوامي يبعد عن البيت نص ساعة وهالحركة بتضيف لي نص ساعة ثانية… يعني التوتال ساعة كاملة بالدرب.. ما اقدر .. ابا شي جريب من البيت اسهل لي واسرع

ومشكورة فديتج على الرد

انا مسجله بنتي ف حضانة الجامعه

6000 السمستر .. يعني 12 الف السنه !

اتصلت حضانة الجامعة وسألت عن كل التفاصيل… اذا ابا اخلي البيبي من الساعة 7 الصبح لين الساعة 2 او 3 الظهر بيكون السعر 7875 لكل سمستر… يعني التوتال ل 2 سمستر : 15750 درهم… بس المشكلة انه السمسترين بس من شهر 9 لين شهر 5…. ( وشهر 6 و 7 و8 ) اجازة!!!

يعني وين اودي البيبي هال3 اشهر وقالت عنهم نظام صيفي بس مدته شهر ونص ومب دايم ( يعني مرات يسوونه ومرات ما يسوونه على حسب العدد) وسعره 3500 درهم… وفي حال سووه بيتمن شهر ونص ( وين اوديه)!!! وفي حال ما سووه بيتمن 3 شهور

احس تعبت نفسيا وانا افكر بالموضوع

ما تعرفون حضانات تمسك البيبي طول السنة؟؟؟ او مربية تيي البيت وادفع لها!!